Morten Svartveit

Han er ein skodespelar med vidt spenn, og har hatt roller innan både barneteater, seriøse drama, musikkteater og musikalar. Etter enda utdanning debuterte han som profesjonell skodespelar i Tolvskillingsoperaen (2008), og var deretter ved ulike andre scener, som Kilden Teater- og konserthus, Oslo Nye Teater, Brageteatret og Hålogaland Teater. Han kom tilbake til Det Norske Teatret i 2013, som del av ensemblet i langteaterprosjektet Bibelen. Etter dette har han mellom anna hatt større roller i musikkteaterframsyningane Woyzeck (2014), Vikla inn i blått (2020) og Bienes historie (2020), i musikalane Spelemann på taket (2014), Sweeney Todd (2015) og Tenk om (2016). Han spelte prinsen i Kvitebjørn kong Valemon og esel i Okse og esel (2013). Han har også spelt Helikon i Caligula (2024), Clov i Sluttspel (2023), George i Om mus og menn (2021) og var med i Ruth Lillegravens Sigd (2019) og Lars Noréns Som lauvet i Vallumbrosa (2017).

Morten Svartveit blei kjend for eit større publikum som karakteren Espen Eide gjennom NRK-serien Heimebane (2018-2019). Han har også mellom anna spelt rolla som Anders Knudsen i Viaplay-serien Okkupert (2015-2017, TV2-serien Grenseland (2017), Steinar i julekalenderserien Stjernestøv (2020) på NRK, Leif i NRK-serien Gutta på skauen (2022) og Charlie i Viaplay-serien Pørni (2021-2022). Innan film har han hatt roller i mellom anna Rosemari (2016), Når jeg faller (2018), Flukten over grensen (2020), Gulltransporten (2022) og Victoria må dø (2024).