Da Lars Norén døydde i 2021 låg det tre skodespel igjen på skrivebordet hans. Kommunion er eitt av dei og det einaste som så langt er oppført.
Urpremieren fann stad på Göteborg Stadsteater i september, og berre fire månader seinare kjem Noregspremieren. I stykket utforskar Norén den menneskelege fellesskapen og som det gjerne er hos Norén; det er brutalt, ærleg og med bitande humor.
Ei gruppe menneske er samla i eit rom utan avgrensingar. Dei snakkar med kvarandre og om kvarandre. Praten går om dyre klesplagg, om kva som hamnar i handlevogna på matbutikken, om planting i hagen. Daglegdagse tema, der nokon kjem til, andre forsvinn ut av samtalen. Men orda skifter fort mellom humor og alvor, komikk og smerte. Som Aftonbladets meldar skriv:
Noréns konstnärskap knyts på många vis ihop, med betoning på hur verkligt rolig han kan vara samtidigt som han låter oss stirra rätt ner i existensens avgrund.
Anders T. Andersen har regien, Erlend Birkeland er scenograf, og med seg på scenen har dei eit opplagt og sterk ensemble på ni skodespelarar.
Anders T. Andersen
Andersen er både skodespelar, forfattar og ein erfaren regissør som har sett opp eit 30-tals stykke over heile landet, inkludert verk av Ibsen, Shakespeare og Edward Albee. Han har også omarbeidd og regissert romanar for scenen av fleire av Norges leiande forfattarar som Knausgård og Solstad. Ved Det Norske Teatret har han særleg utmerkt seg med framsyningar som Kimen av Tarjei Vesaas som fekk sin urpremiere i 2018. Den siste teaterproduksjonen for Det Norske Teatret var Lazarus av David Bowie og Edna Walsh som hausta svært gode kritikkar etter premieren i 2019.
Kjøp billett
Vel speledato for Kommunion
-
Ledige billettar
-
Ledige billettar
-
Ledige billettar
-
Ledige billettar
-
Ledige billettar