Marianne Krogh
(f. 1956, Bergen) er fast tilsett skodespelar ved Det Norske Teatret sidan 1988, og er utdanna ved elevskolen ved Det Norske Teatret (1976-1978).
Ho debuterte som skodespelar ved Det Norske Teatret i 1978 som Katten i Pinocchio. Ho har sidan gjort seg merkt som ein særs allsidig skodespelar som skildrar dei ho skal portrettere med djupt alvor - anten det er dyr, barn, kvinne eller mann – om det er komedie, barneteater, gresk drama eller moderne dramatikk.
Fram til 1984 var ho knytt til Det Norske Teatret, og deretter hadde ho fleire roller i Fjernsynsteateret medan ho også var med i friteatergruppa Lilith Frisk & Vilt med mellom andre dramatikaren Cecilie Løveid. Frå 1988 blei ho fast tilsett ved Det Norske Teatret.
Mellom rollene ho har hatt ved Det Norske Teatret, er Hedvig i Vildanden (1981), Anna i Personkrins 3:1 (1999), Lilly i Bikubesong (2003 og 2013), Anna i Skugge av ein gut (2006), Kona til Sebjørn i Få meg på, for faen (2008) og Frigg i Robert Wilsons Edda (2017).
For rolla i Edda mottok ho i lag med heile ensemblet Heddaprisen for Særleg kunstnarleg innsats same året.
Marianne Krogh har også hatt ei rad roller i film- og tv. I 1987 vann ho Amandaprisen for Beste kvinnelige skuespiller for rolla som Marlene i filmen Fri.
Aktuell som Fyrste Eldre kvinne i Einkvan, i Prosessen mot menneska og i Skodespelet.
Aktuell med
Tidlegare framsyningar
| 2025 | Prosessen mot menneska | |
| 2024 | Caligula | Senectus |
| 2024 | Eg føreslår at vi vaknar | Mor |
| 2023 | Ronja Røvardotter | Skalle-Per |
| 2023 | Hans og Grete | Gry / Kanin |
| 2022 | Inn frå regnet | Ruth |
| 2022 | Bror | |
| 2022 | Olje og vatn | |
| 2021 | Vinterreise | |
| 2020 | Lear | Gloucester |
| 2020 | Linje 5 | |
| 2019 | Trilogien | Fødefrøkna, juvelaren |
| 2019 | Tung tids tale | |
| 2018 | Kafka på stranda | Fru Soga m.fl. |
| 2017 | Lesingar | Edda - ei lesing |
| 2016 | Edda | Frigg |
| 2015 | Det merkelege som hende med hunden den natta | Fru Alexander |