Svein Roger Karlsen

Etter utdanninga var han i fleire år knytt til Teatret Vårt i Molde og deretter Trøndelag Teater, før han i 1996 kom til Det Norske Teatret og hadde rolla som Curly i Om mus og menn. Ved Det Norske Teatret har han elles hatt store roller mellom anna i Ein seljars død (1997), Tusen år og like blid (1998), Vakkert (2001), Bikubesong (2003 og 2013), Jungelboka (2008), Namnet (2011), Raskolnikov (2019) og hovudrollane i Inn frå regnet (2022) og i Faderen (2022). Han har elles også hatt ei rad roller i Radioteatret og ved Riksteatret og Oslo Nye Teater. Han hadde også rolla som Kaptein Sabeltann i Kristiansand Dyrepark frå 2000-2009.

Svein Roger Karlsen har også hatt ei rad roller i film og TV. Mellom anna hadde han ein av dei store rollene som Einar i filmen Hodet over vannet (1993). Han var også med i TV2-serien
Hotel Cæsar og hadde store roller i NRK-seriane Nini (1998) Vaffelhjarte (2011) og Heimebane (2018). Hausten 2024 er han også aktuell i Netflix-serien Milliardæørøya som Gjert Meyer.