Gjen­ferdet inn Gjen­ferdet inn

Skodespelaren Sonia treng ferie og ønsker berre å komme seg vekk: Frå karrierejaget, ståket i London og kanskje til og med frå seg sjølv? Ho reiser på ferie til søstera i Haifa, der far hennar voks opp. Ho har knapt vore der sidan tenåra og uventa blir ho dradd inn i eit lokalt teaterprosjekt der ei gruppe skal sette opp Shakespeares Hamlet på Vestbreidda.

«Gjenferdet inn»

… eller «enter Ghost» er ei scenetilvising i Hamlet der gjenferdet kjem inn på scenen. Kven og kva er gjenferda for Sonja, og kva prøver dei å seie? I bakgrunnen ulmar demonstrasjonar, kulturkonfliktar, verkande familiehistorier, politiske konfliktar og ei verd i endring. Gjenferdet inn blei skrive før 7. oktober 2023. Handlinga utspelar seg sommaren 2017, idet det blei innført tiltak som ikkje hadde vore sett i verk sidan den andre intifadaen.

Omsluttande oppleving

Handlinga i Gjenferdet inn går føre seg i heile rommet og publikum vil kunne bevege seg rundt. Musikk vil vere eit gjennomgåande element i framsyninga. Musikarane Nawara Alnaddaf og Peter Baden vil spele arabisk musikk og inviterer også til konsert 30 minutt før framnsyninga tek til, og i pausen. Publikum er også oppfordra til å sitte på teppe, og baren vil vere open.

Kritikarrost forfattar

Den britisk-palestinske forfattarens roman frå 2024 tek publikum med rett inn i eit Palestina på randen av krig.
Isabella Hammad (f. 1992) er født og har vakse opp i eit palestinsk nabolag i London. Ho har motteke ei rad litteraturprisar for romanane sine, og har hausta strålande kritikkar. I skrivinga er ho oppteken av å undersøke korleis det er å leve i eit diasporisk tilvære, som ho sjølv og Sonia i Gjenferdet inn gjer.

INFORMASJON TIL PUBLIKUM
- Det vil vere stolar til publikum som har eit særleg behov for å sitte undervegs.
- Det er dessverre ikkje IR-anlegg på denne framsyninga