Snøsøstera

Ei juleforteljing

I Snøsøstera møter vi Julian. Han elskar jula mest av alt i heile verda! Men i år gruer han seg, sjølv om julaftan til og med er fødselsdagen hans.

Heime hos Julian er nemleg ingenting som det plar vere i desember. Foreldra veit knapt kva dag det er, enda mindre at det snart er jul. Vanlegvis er dette den beste tida av året, med lukt av klementinar og peparkaker, stearinlys og stemninga i adventstida. Men i år er alt avlyst.

Kan det likevel bli det vi kallar for jul?

Det ser mørkt ut - inntil han møter ei underleg jente som heiter Hedvig. Ho bur i det mest julete huset han nokosinne har sett, og elskar denne tida minst like mykje som han! Julian innser at det er han som må redde jula. Han forstår noko dei vaksne ikkje har skjønt, nemleg kva jula eigentleg handlar om.

Eventyrleg teatermagi

Maja Lundes juleroman i 24 delar med nydelege teikningar av Lisa Aisato blei utropt som ein klassikar allereie da den kom ut i 2018. Teaterversjonen av Snøsøstera er tonelagt med stemningsfull musikk komponert av Henrik Skram, som tidlegare har laga musikken til NRK-serien Snøfall. Den fortryllande scenografien er inspirert av Aisatos vakre teikningar, og opplevast som å bla i ei bildebok. Saman skapar dette den varme kjensla av barndommens jul.

Passar frå 6 år og oppover. Det blir nytta scenerøyk i framsyninga.

Ein samproduksjon mellom Det Norske Teatret og Kilden teater og konserthus.

Innspelt musikk
Spelt inn av Kristiansand Symfoniorkester i Konsertsalen i Kilden teater og konserthus. Dirigentar Per Kristian Skalstad, Torodd Wigum Teknikar Kristian Bronebakk Produsent Henrik Skram

Tekst og melodi Når alle andre sansar kan få kvile, Snøsong og
Godnattsong Odd Nordstoga Musikarar på innspeling Odd Nordstoga, Erland Dahlen, Marius Reksjø, Svenn Erik Kristoffersen Musikkmiks Henrik Skram