Geir Kvarme
er fast tilsett skodespelar ved Det Norske Teatret sidan 2017, og har utdanninga si frå Statens Teaterhøgskole 1986-1989.
Han var tilsett ved Nationaltheatret frå 1989 til 1997 og debuterte i Utlendingen av Larry Shue. Han har og vore tilsett ved Oslo Nye Teater, Riksteatret og Den Nationale Scene i Bergen. Han gjesta Det Norske Teatret første gongen i 2008. Han har medverka i ei rekke TV- og filmproduksjonar, mellom anna Fredrikssons Fabrikk, Offshore, Jul i Blåfjell, og Nr. 13 på NRK. Geir Kvarme blei nominert til Heddaprisen for rolla som Roger de Bris i The Producers ved Oslo Nye Teater i 2011.
Hausten 2024 var Geir Kvarme også aktuell i realityserien Forræder på TV2.
Tidlegare framsyningar
| 2024 | Roberto Zucco | Faren / Hore / Fullmektig / Mann i parken |
| 2024 | Hedda Gabler | Tante Julle |
| 2024 | Biten av musikal | |
| 2023 | Tryllefløyta | Talar 2 |
| 2023 | Romeo og Julie | Tybalt |
| 2021 | Om mus og menn | Carlson |
| 2021 | Oresteia | Korleiar 1, Furie |
| 2020 | Bestialitetens historie | Doktor Lefévre |
| 2020 | Kirsebærhagen | Simeonov-Pisjtsjik |
| 2020 | Gå | |
| 2019 | Oslo | Uri Savir |
| 2019-2020 | Charlie og sjokoladefabrikken | Herr Salt |
| 2018 | Peer Gynt | Peer Gynt |
| 2018 | Den siste kongsfesten | |
| 2017 | Nashornet | Logikaren / Dudard |
| 2016 | Sju dagar i august | Otto |
| 2014 | Det merkelege som hende med hunden den natta | Herr Shears, nabo |