Thea Lambrechts Vaulen
Thea Lambrechts Vaulen (f. 1994) frå Solund i Sogn og Fjordane er utdanna skodespelar ved Kunsthøgskolen i Oslo (2016-2019).
Ho starta skodespelarkarrieren ved Teatret Vårt i Molde, og var deretter med i regissør Ole Anders Tandbergs versjon av Peer Gynt ved Riksteatret. Ved Oslo Nye Teater hadde ho rolla som Abigail Williams i Heksejakt i Maren Bjørseths regi. Frå 2021 har ho vore knytt til Det Norske Teatret, og har mellom anna vore med i regiduoen Goksøyr & Martens produksjonar Bror (2021) og MomA, i tillegg til regissør Johannes Holmen Dahls urpremiere på Arne Lygres Tid for glede (2022) og Moby Dick.
Thea Lambrechts Vaulen var nominert til Heddaprisen for Beste kvinnelege skodespelar/medspelar for rolla i Tid for glede.
På kinolerretet har ho spelt rolla som Milly Thaulow i filmen Munch, og er aktuell som Sunna i filmen Armand, som kjem på norske kinoar hausten 2024.
Aktuell våren 2024 som Anna i MomA.
Aktuell med
Tidlegare framsyningar
| 2024 | Moby Dick | Ismael |
| 2023 | Ronja Røvardotter | Ronja |
| 2022 | Tid for glede | Ei ekskone/Ein eksmann |
| 2022 | Bror | |
| 2022 | Olje og vatn | |
| 2021 | Vinterreise | |
| MomA | Anna |