Per Schaanning

Etter endt utdanning var han knytt til Den Nationale Scene i Bergen, der han mellom anna hadde roller som Gyldenstern i Hamlet (1987). Frå 1988 var han ved Trøndelag Teater, og gjorde roller som D´Artagnan i De tre musketerer (1988), Mercutio i Romeo og Julie (1990), Hitler i Mein Kampf (1993), og Al i Under stjernehimmelen (1996).

Ved Det Norske Teatret har han hatt roller som Ben i Ein seljars død (1997), Partisekretæren i Bikubesong (2003 og 2013), Donny i Løytnanten frå Inishmore, Drillo i Norge-Brasil (2012), Bérenger i Nashornet (2017) og Candy i Om mus og menn (2021).

Per Schanning har vist eit spesielt godt handlag med å portettere dei litt tufsete typane, dei som ikkje har fått det heilt til her i verda. Uttrykket han gir karakterane skapar på ein eigenarta måte sympati og medkjensle hos publikum. Ein av desse karakterane er Karl i Fulle folk (2015), som han fekk Heddaprisen for Beste mannlege medspelar for i 2016.

Han har også gjort ei lang rekkje roller i film og TV. Mellom anna har han sidan 2014 hatt rolla som Sinkerud i TVNorge-serien Neste sommer og han spelte Arne i Svarte Penger, hvite løgner på NRK (2004). På filmlerretet har han m.a. vore å sjå i filmane Amatørene (2001), Kunsten å tenke negativt (2006), Amatørene (2001) og Pan (1995). I 2013 mottok han Kanonprisen for Beste birolle for rolla som Eddy Bogerud i Detektiv Downs.