Ane Dahl Torp

Etter enda utdanning fekk ho jobb på Teatret Vårt i Molde, der ho mellom anna spelte tittelrolla i Hedda Gabler. Frå 2002 har ho vore knytt til Det Norske Teatret, og her har ho til dømes hatt roller som Másja i Måken, Maggie i Katt på heitt blekktak, Shen Te/Shui Ta i Det gode mennesket frå Sezuan, tittelrolla i Mor Courage og barna hennar, Aig i Solaris korrigert, Ei Enke/Ein enkemann i Tid for glede, Ragnfrid i Kristin Lavransdotter og Akab i Moby Dick. Ho har også laga ein versjon av Haugtussa (2013) saman med musikarektemannen Sjur Miljeteig, som og framleis står på repertoaret. Ho vann Heddaprisen i 2012 for rolla som Shen Te/Shui Ta, og igjen i 2016 for Solaris korrigert.

Ho har også medverka i ei rad TV-produksjonar, som NRK-seriane Svarte penger, hvite løgner (Amandaprisen og Folkets filmpris 2004), Kodenavn Hunter (Gullruten 2007) og hovudrolla i Heimebane (Gullruten 2018), i tillegg til TV2/Viasat-serien Okkupert. På filmlerretet har ho hatt store roller i filmar som Gymnaslærer Pedersen (Amandaprisen 2006), 1001 Gram, Lønsj (Amandaprisen 2008), Bølgen, Skjelvet, Charter (Guldbaggen 2021) og Storm. Hausten 2024 er ho aktuell i filmen Drømmer.