Leo Magnus de la Nuez

Leo Magnus de la Nuez (f. 1990, Bærum) er utdanna skodespelar ved Kunsthøgskolen i Oslo (2014–2017). Han har også ein bachelor i samanliknande politikk frå Universitetet i Bergen.

De la Nuez debuterte i 2017 som Josef i Juleevangeliet: The Smash Hit Musical, medverka i Ubu og spelte Der Grosse Muheim i Meteoren – alle ved Trøndelag Teater. Han har også spelt rolla som Trond i Gutten som ble et insekt ved Hålogaland Teater.

Frå 2020-2024 har han vore tilsett ved Rogaland Teater. Roller i utval: Advokaten i Et drømmespill, Fredrik i A Christmas for Carol, Mortimer i Maria Stuart, Sam i Kunsten å rane en bank, Osvald i Gjengangere, Edmund i Lang dags ferd mot natt, Macbeth i Macbeth og Maj, Pauline og Ismael i Fanny og Alexander. I 2024 har han hatt roller ved Nationaltheatret i Besøk av gammel dame og Alle mine sønner.

Han har i tillegg over tolv års erfaring som teaterimprovisatør og er medlem av improteatergruppa Bare Moro Impro (BMI), som oppstod under studietida i Bergen. Han har forfatta manus til og medverka i BMI: Turné (NRK) og Verdens Beste Show (Latter).

Han har og vore med i fleire filmar og TV-seriar, mellom andre Heimebane, Livstid og Evy og alltid (NRK) og i HBO-serien Beforeigners.