Charlotte Frogner

Sidan ho var ferdig utdanna, har ho vore knytt til Det Norske Teatret, med fast tilsetjing frå 2014. Ho er ein allsidig skodespelar, som har hatt roller innan både barneteater, musikal og dramatiske roller. Ho debuterte i rolla som Marlene i Piaf (2004). Ho har hatt fleire store roller i stykke regissert av Marit Moum Aune: Alma i Få meg på, for faen (2007) og fleire roller i Stort og stygt (2013) av Olaug Nilssen og m.a. Mette-Marit i musikalen Halve kongeriket. Ho har også hatt store roller m.a. i musikalane Jungelboka (2008), Evig ung (2009), Jesus Christ Superstar (2009), Next to Normal (2010), Trost i taklampa (2014), Snøkvit (2017) og Tryllefløyta (2023). Av dramatiske roller har ho spelt til dømes i Eit hav av slike som Kaspar Hauser (2014), Den grønkledde i Peer Gynt (2018), Bienes historie (2020) og Roberto Zucco (2024).

Charlotte Frogner fekk komiprisen for Årets gjennombrudd (2009) for rolla som seg sjølv som gamal i Evig ung, og var nominert i 2016 som Årets kvinnelige scenekomiker for prestasjonen i Halve kongeriket.

I 2022 debuterte ho som regissør med framsyninga Marjas jord på Scene 3, og har også hatt regien for Hans og Grete (2023).

Charlotte Frogner er eit kjent fjes for mange for rolla som Celine Kopperud i NRK-serien Side om Side (2013-2023). Ho hadde også hovudrolla i serien Hvaler på same kanal frå 2008-2010, og rolla som Trine i Dummedag (2023). For rolla i Hvaler vann ho prisen for Best Actress under Soul International Drama Awards. Ho spelte også rolla som Annika i TV2-serien Det tredje øyet (2014).
Hausten 2024 er ho også aktuell i realityserien Vokterne på TV2.

I film har ho mellom anna vore med i 5 løgner (2007), Død snø (2009), og Olsenbanden - Siste skrik! (2022). For 5 løgner blei ho nominert til Kanonprisen.