Går det an å redde ein valdeleg mann?
Helgas auge er ei framsyning om ei ung kvinne som forsøker å komme ein valdeleg mann til unnsetning.
Helga arbeider på eit bibliotek. Ein dag kjem Aslag for å låne ei bok, og Helga er så forelska at når ho gir han boka, slår hjartet hennar så hardt at ho er redd for at alle kan høyre det. Etter ei kort stund får Aslag eit samanbrot. Legevakta blir tilkalla. Aslag nektar å ta imot hjelp, og sjølv om biblioteket er i ferd med å stenge, får han lov til å bli.
Med framsyninga undersøker Goksøyr&Martens eit scenisk språk som dei definerer som auditiv realisme.
Helgas auge er ein del av doktorgradsarbeidet til Toril Goksøyr ved Kunsthøgskolen i Oslo.
