Tiril Heide-Steen
har jobba som skodespelar, songar og stemmeskodespelar sidan ho var barn.
Ho har vore knytt til fleire scenar i landet, i tillegg til at ho har vore del av ensemblet i sommarteateret ved Kruttårnteatret i Stavern i 6 år. Ved Det Norske Teatret har ho m.a. vore med i Robert Wilsons Edda, Halve Kongeriket, Tenk Om, Faens Nisse, Charlie og sjokoladefabrikken, Lazarus, Tryllefløyta og ho alternerte som Anna i Frost.
Tiril Heide-Steen er ein mykje brukt stemmeskodespelar i teiknefilm, og har også hatt stemmeregi. Stemmeroller i utval: Disneys faste Tingeling, Twilight Sparkle i My Little Pony, Marshall i Paw Patrol og Prinsesse Party Kitty i Lego-filmane. Som jazzsongar har ho opptredd ved store og små scenar i Noreg. For tida er debutalbumet, som består av jazz på norsk, under produksjon. I 2023 ga Tiril Heide-Steen ut EPen «Favorites» på Grappa Musikkforlag.
Aktuell våren og hausten 2024 i ulike roller i Spynorsk. The Musical.
Aktuell med
Spynorsk. The Musical
Tidlegare framsyningar
| 2024 | Nære relasjonar | Benedikte |
| 2023 | Tryllefløyta | Andre Dame |
| 2023 | Frost | Anna |
| 2019 | Lazarus | Teenage girl |
| 2019-2020 | Charlie og sjokoladefabrikken | Violet Beuregarde mfl. |
| 2017 | Lesingar | Edda - ei lesing |
| 2017 | Faens nisse! | Maria |
| 2016 | Edda | Gygra |