Mimmi Tamba

Ho gjekk skodespelarutdanninga Det multinorske ved Det Norske Teatret/Nord Universitet. Ved Det Norske Teateret har ho hatt roller m.a. i The Book of Mormon, Vikla inn i blått, Tolvskillingsoperaen, Into the Woods og Lazarus. For sistnemnde blei ho nominert til Heddaprisen for beste kvinnelege medspelar. I 2020 sleppte ho sitt andre album Semper Eadem. Albumet fekk terningkast 6 i Dagsavisen, og blei nominert til Spelemannsprisen og Tono sin Edvardpris. I 2022 kom oppfølgaralbumet Titanic, som også fekk strålande mottaking. I 2023 blei albumet hennar Semper Eadem til musikkteater på Hovudscenen ved Det Norske Teatret, ei framsyning som blei hylla av kritikarane og heidra med den gjeve Heddaprisen for Beste musikkteaterframsyning. Siste rolla hennar ved Det Norske Teatret, var som Elsa i Frost (2023).