Så var det/Slik var det

87 år gamle Etienne Glaser kjem til Fossefestivalen med monologen om å nærme seg døden. Glaser er sjølv ein av Sveriges mest erfarne – og kjente – teatermenneske. Han har verka som både skodespelar, regissør og manusforfattar gjennom ein karriere som strekk seg over meir enn 70 år. Mest kjent for det norske publikummet er han kanskje gjennom ei rad ulike filmroller, blant dei Bröderna Mozart frå 1986.

I monologen Slik var det møter vi ein eldre målar, ein stor kunstnar. Han ser slutten nærme seg, og gjer seg tankar om kva som no skal skje. Jon Fosse skriv som alltid om det heilt kvardagslege, men også om dei heilt store spørsmåla. Han har ein eigen evne til å skrive enkelt, men samstundes vesentleg om det som er komplekst og universelt. I det nesten banale speglar han dette på ein på same tid alvorstung og nesten lattervekkande måte.