Synstolking er eit hjelpemiddel for blinde og svaksynte. Det er ei munnleg beskriving av den visuelle informasjonen ein elles får gjennom synssansane. Synstolken si oppgåve er å beskrive dei visuelle uttrykka slik at publikum med heilt eller delvis nedsett synsfunksjon sjølve kan tolke ei meir fasettert kunstoppleving.
Publikum som ønskjer å nytte seg av dette tilbodet, må laste ned appen Listento Player på smarttelefonen sin.
Listento Player på iPhone
Listento Player på Android
• Ta med smarttelefonen og øyretelefonar til framsyninga. Vi tilrår å nytte øyretelefonar med kabel. Ettersom du skal høyre synstolkinga i øyretelefonane, men lyden frå framsyninga i salen, bør du nytte opne øyretelefonar eller øyretelefonar med "hear through"-funksjon (ikkje støtdempande øyretelefonar).
• Vi sender deg lenke til synstolkinga på e-post 2 dagar før framsyninga du skal sjå.
• Skal du ha med deg nokon andre som treng synstolking, er det viktig at du sender e-posten vidare til dei.
• Opne lenka i appen Listento Player før framsyninga startar.
• Synstolkinga vil starte ca. 15 min før framsyninga tek til, med førehandsskildringar av sal, scene, kulisser og karakterar.
SPRÅK Norsk
NB: Publikum som er lyssensitive, bør ha med seg eigne solbriller eller liknande for å skjerme seg mot dei skarpaste lysskifta.
Datoar for synstolking av Cabaret
• Onsdag 18. november kl. 19:00
• Torsdag 19. november kl. 19:30
• Fredag 20. november kl. 19:00
• Laurdag 21. november kl. 17:00
• Torsdag 3. desember kl. 19:00
• Fredag 4. desember kl. 19:00
• Søndag 6. desember kl. 16:00
• Tysdag 8. desember kl. 19:00
Peptolk
Prosjektet Peptolk er i ferd med å utvikle løysingar for preprodusert synstolking av levande framsyningar som teater. Det vil seie at synstolkinga ikkje blir utført på direkten, sjølv om framsyninga er live. Dette gjer det enklare å tilby synstolking på fleire framsyningar. Publikum skal kunne oppleve synstolking av teater slik dei opplever synstolking av kinofilm, gjennom ein applikasjon på sin eigen mobiltelefon.
prosjektet er framleis i utprøvingsfasen, så vi ber om forståing for at ikkje alt fungerer perfekt.