Serhat Yildirim er kjent frå mellom anna NRK3-serien 16-19, filmen Alle utlendinger har lukka gardiner og reality-programma Forræder og Kokkeskolen. I haust har han vore på turne landet rundt med Riksteatret/Det Norske Teatret-produksjonen Ord for blod. Til våren blir han også å sjå i framsyninga Gjenferdet inn.
Jonas Benyoub spelar si siste framsyning som Ivor 23. desember, og i 2026 vil Yildirim tre inn i rolla.
Suksessframsyning
Teaterversjonen av Oliver Lovrenskis debutroman Da vi var yngre blei ein favoritt både hos publikum og hos kritikarane. «En brutalt god forestilling» skreiv Aftenposten og trilla 6 på terningen. Regissør Aksel Hennie, Benyoub og resten av gjengen bak framsyninga stakk i vår av med Heddaprisen for Beste teaterframsyning for ungdom. Da vi var yngre har vore utselt sidan premieren, trass i at framsyninga blei flytt frå Scene 2 til Hovudscenen.