Komme hit
Det Norske Teatret ligg i Kristian IVs gate 8, midt i sentrum.
Hovudscenen ligg i andre og tredje høgda. Det er tilgang både med trapp og heis. Det er trappefri adkomst til rad 15 på Hovudscenen.
Scene 2 ligg i 1U. Det er tilgang både med trapp og heis. Det er trappefri adkomst til rad 2 på Scene 2.
Scene 3 ligg i femte høgda. Det er tilgang både med trapp og heis. Det er trappefri adkomst til rad 1 på Scene 3.
Program, artiklar og podkast
Det Norske Teatret har av miljøomsyn gått over til digitale program. Programma kjøper du samtidig som du kjøper billett på nettsidene våre.
Her finn du også aktuelle artiklar om framsyningane våre under kvar framsyning.
Aktualiserande podkastar finn du her eller der du lyttar til podkast.
Garderobe
Hovudscenen har ubetent garderobe med låsbare skap i foajéen i første høgda. Garderoben vil bli låst under framsyninga.
Scene 2 og Scene 3 har ubetent garderobe ved dei respektive scenene.
Tøyet heng på eigars ansvar.
Servering
Baren i Bikuben er open før framsyninga og i eventuelle pausar. Det er tillate å ta med seg drikke i plastbeger inn i salen. Du kan også ete middag i Løve Restaurant & Bar i første høgda før framsyninga.
Klikk her for bordbestilling.
Foajébaren og baren på Scene 3 er open før framsyning.
Billettar
Billettluka har ope heilt fram til framsyninga startar. Om du har fått billettar på epost, kan du vise dei fram på telefonen når du går inn i salen.
Du kan òg skrive dei ut og ta med utskrifta til teateret. Om du skal hente billettane i billettluka, ligg dei på etternamnet/tlf.nr ditt.
Hugs å ta med relevant legitimasjon/medlemskort.
Rullestol
Det er trappefri adkomst til rad 15 på Hovudscenen, rad 2 på Scene 2, rad 1 på Scene 3 og rad 1 på Rommen Scene.
Dette må bestillast på førehand på telefon, e-post eller direkte i billettluka.
Ir-anlegg for høyrslehemma
Vi har IR-anlegg på alle scenane våre. IR-anlegg er eit alternativ til teleslynge, ofte brukt i lokale der det er mykje elektromagnetisk forstyrring, til dømes frå elektriske gitarar eller lysstoffrøyr.
IR-anlegg har høyretelefonar og kan derfor bli brukt av personar som ikkje bruker høyreapparat med telespole.
Du kan låne ein sendar med høyretelefonar hos oss når du kjem i teateret. Ta kontakt med publikumsvertane våre i foajéen.
Har du spørsmål om IR-anlegg kan du kontakte oss på hei@detnorsketeatret.no
Det Norske Teatret har ikkje teleslynge.
Parkering
Sentrum P-hus, innkøyring ved Munchs gate og Hammersborgtunnelen (Ring 1). Det finst også HC-parkeringsplassar på andre sida av gata i Kristian IVs gate.
Er det noko meir du lurer på?
Kontakt billettluka på tlf. 22 42 43 44 eller send ein epost til hei@detnorsketeatret.no
Her finn du svar på vanlege spørsmål vi får:
Eg finn ikkje bestillinga mi når eg loggar inn på Mi side. Kva er feil?
Om du har fått bestillingsnummeret ditt i ein e-post som stadfester at betalinga har gått gjennom, men likevel ikkje finn billettane, kan det skuldast at du har fleire profilar med den same e-postadressa. Kontakt oss på hei@detnorsketeatret.no, så hjelper vi deg.
Eg finn ikkje billettane i innboksen min. Kan de sende dei til meg på nytt?
Avsendar står som billett(@)detnorsketeatret.no med "Det Norske Teatret stadfesting" i emnefeltet. Om du ikkje finn billettane i innboksen din, bør du sjekke søppelposten – nokre gonger hamnar billettane der. Ligg ikkje billettane der heller, kan du kontakte billettluka på tlf. 22 42 43 44 eller sende e-post til hei@detnorsketeatret.no.
Kan eg ha e-billetten min på mobilen?
Du kan ha e-billetten på mobilen når du viser han i døra inn til salen.
Kor får eg kjøpt gåvekort?
På telefon, på heimesida vår og direkte i billettluka.
Kor mange billettar kan eg kjøpe per OBOS-kort?
Du får to billettar til redusert pris med OBOS-rabatt.
Kor tidleg må eg vere ute for å hente billettane før framsyning?
Er billettane betalte har du ingen hentefrist, men vi tilrår at du er her om lag 15-20 minutt før framsyninga sidan det kan vere ein del kø i billettluka. Billettane ligg på namn/tlf.nr.
Er det redusert pris på billettkjøp rett før framsyning?
Nei.
Kan eg bestille billettar med scenekort på nett?
Ja, scenekortbillettar kan kjøpast på nett, men billettane må hentast i billettluka og du må vise fram scenekortet.
Kan eg bestille billettar med ledsagerbevis på nett?
Nei, du må bestille billettar med ledsagerbevis over telefon eller direkte i billettluka.
Kan eg bestille billettar med rullestolplass på nett?
Nei, rullestolplass bestiller du over telefon eller direkte i billettluka.
Det er trappefri adkomst til rad 15 på Hovudscenen, rad 2 på Scene 2, rad 1 på Scene 3 og rad 1 på Rommen Scene.
Finst det HC-parkeringsplass hos dykk?
Ja, på andre sida av gata er det HC-parkeringsplassar, pluss at det finst plassar i Sentrum parkeringshus.
Kan eg reservere billettar?
Ja, du kan reservere billettar i ei veke frå den dagen du bestiller. Er det mindre enn ei veke til, må billettane betalast seinast dagen før famsyninga.
Kor lenge varer framsyninga?
Dette varierer frå framsyning til framsyning, og du finn informasjonen på den enkelte framsyningssida rett under hovudtittelen øvst på sida. Ofte veit vi ikkje kor lang ei framsyning blir før ho har hatt premiere.
Eg er honnør. Får mannen min også honnørrabatt da?
Nei, honnørrabatten er personleg.
Eg har gløymt att noko på teateret. Kven skal eg kontakte?
Send ein e-post til hei@detnorsketeatret.no så kan dei sjekke om vi har funne det du har gløymt.
Har de IR-anlegg?
Vi har IR-anlegg på alle scenane våre. IR-anlegg er eit alternativ til teleslynge, ofte brukt i lokale der det er mykje elektromagnetisk forstyrring, til dømes frå elektriske gitarar eller lysstoffrøyr.
IR-anlegg har høyretelefonar og kan derfor bli brukt av personar som ikkje bruker høyreapparat med telespole.
Du kan låne ein sendar med høyretelefonar hos oss når du kjem i teateret. Ta kontakt med publikumsvertane våre i foajéen.
Har du spørsmål om IR-anlegg kan du kontakte oss på hei@detnorsketeatret.no