Kva er Biten av musikal?
- Biten av musikal er eit samansurium av forskjellige musikallåtar som nokre av oss i ensemblet her på Det Norske Teatret har sett saman, til glede for alle dei som vil komme å sjå.
- Dette blir ein musikalsk festkveld med ganske billige billettar og desto meir moro!
- Dette blir ein musikalsk festkveld!
Kven er Biten av musikal perfekt for?
- Dette blir perfekt for alle som elskar musikk og alle som elskar musikal.
Heile sju gonger såg Geir Kvarme framsyninga Piaf. Den hadde premiere på Det Norske Teatret i 1980, og Britt Langlie fekk kritikarprisen for tittelrolla som Edith Piaf. Foto: Frits Solvang
Kva er det beste musikalminnet ditt?
- Det er mange! Eg elskar musikk, musikkteater og musikal. Eg hugsar veldig godt Les Misérables. Eg var ein ung gut og sat i salen her på teateret. Det var tårevått og imponerande.
- Og så hugsar eg veldig godt Piaf med Britt Langlie. Den framsyninga trur eg at eg såg sju gonger. Heilt fenomenal!
- Eg elskar musikk, musikkteater og musikal.
Kva for musikalkarakter assosierer du deg med?
- Eg trur det må vere Roger DeBris frå musikalen The Producers som eg spelte på Oslo Nye Teater i 2011. Ikkje fordi eg er så veldig lik han, men fordi han både har alvor og humor i seg, og det trur eg at eg også har. Det er iallfall ein fantastisk musikal, og Roger DeBris er ein fantastisk karakter.
Filmen The Producers frå 2005 var basert på Broadway-musikalen med same namn. Geir Kvarme spelte rolla som Roger DeBris da Oslo Nye Teater spelte musikalen i 2011. I filmen var det Gary Beach som spelte same rolle. Foto: Universal Pictures
Kva for musikallåt har betydd mest for deg?
- Om eg berre skal velje ein, må det vere låta «Bring him home» frå Les Misérables. Det er ein fantastisk vakker ballade, med ein nydeleg tekst. Eg har sett den i mange variantar og den gjer like stort inntrykk på meg kvar gong.