Med Nobelprisen i litteratur i 2023 blei Jon Fosse for alvor kjent internasjonalt. I grunngjevinga heitte det at prisen blei tildelt för hans nyskapande dramatik och prosa som ger röst åt det osägbara, altså Fosse sin måte å la den tause talen komme til orde. Med dette som bakteppe inviterer Det Norske Teatret utvalde framsyningar, forfattarar og regissørar – som alle på originalt vis utforskar den tause talen og forteljinga – til DIFF, Den internasjonale Fossefestivalen.
DIFF har vore arrangert på Det Norske Teatret tre gonger. Den første festivalen gjekk av stabelen i samband med hovudpersonens 60-årsdag i 2019. Sidan har festivalen markert opninga av haustsesongen ved teateret i 2021 og 2023. I omlag ti dagar har teateret vore fylt med Fosseframsyningar, både eigne produksjonar og internasjonale gjestespel, og eit sideprogram som utforskar fortatterskapen og dramatikken frå ulike perspektiv. Festivalen har også romma annan ny dramatikk, frå særmerkte røyster etter Fosse. DIFF 2025 blir ei vidareutvikling av festivalen.
Nytt av året er at vi inviterer ein æresgjest, eller festivalprofil, som kjem til å vere sentral i markeringa av dei litterære og dramatiske tendensane i kjølvatnet av Jon Fosse.