EDDA

  • Scene : HOVUDSCENEN
  • Pris frå: 240 ,-
  • Premiere: Urpremiere 4. mars 2017

Robert Wilson er tilbake på Det Norske Teatret.

Den verdskjende amerikanske regissøren har fått i oppdrag å setje sin karakteristiske signatur på den norrøne mytologien.

Wilsons signatur er først og fremst visuell. Teksten til framsyninga er utdrag frå Jon Fosses teaterversjon av gudedikta som blei skrivne ned på Island ein gong på 1200-talet. Samtidskomponisten Arvo Pärt vil sette sitt musikalske preg på noko vi trur blir ei visuell, poetisk og musikalsk oppleving av dei sjeldne.

STORSLAGNE SCENEBILDE

Robert Wilson er kjend for sine stiliserte og konsentrerte sceniske kunstverk der lys, scenebilde, rørsler og musikk er avgjerande for den totale opplevinga. Han arbeider nesten skulpturelt med skodespelarane og gir seg aldri før kvar einaste detalj er på plass. Sist gong han regisserte i Noreg, sette han opp Peer Gynt, eit suksess-samarbeid mellom Det Norske Teatret og Den Nationale Scene, som blei spelt både i Oslo, Bergen – og New York. Wilson arbeider utradisjonelt, og det er med spenning vi ønskjer den produktive, krevjande og særeigne teaterkunstnaren tilbake til Det Norske Teatret. Fosses fascinerande og suggestive tekst vil kle det visuelle språket til Robert Wilson.

edda-prover-med-gjertrud

Gjertrud Jynge som Volva, frå det første prøvene på Edda; Stage A.

Menneskelege gudar

Gudanes konge, Odin, er ikkje lenger den han eingong var. Mange teikn fortel gudane at slutten nærmar seg. Odin skal leie gudane i den avgjerande kampen mot fienden jotnane. Men han er gamal og trøytt, og har gløymt så mykje. For i den norrøne mytologien er ikkje Allfader skaparen av universet, han er sjølv skapt – ein del av skaparverket. Han er på alle måtar menneskeleg og sårbar.

 

Robert-Wilson-paa-Det-Norske-Teatret-EDDA

Robert Wilson på Det Norske Teateret 6. februar, der han fekk møte tilsette på huset. Foto: Siren Høyland Sæter.

Edda blir samprodusert med Aarhus Teater og gjestar teatret hausten 2017.  Aarhus er europeisk kulturhovedstad i 2017.

Aarhus-kulturhovudstad