Nader Khademi
(f. 1986, Iran) frå Kløfta er fast tilsett skodespelar ved Nationaltheatret sidan 2011, og er utdanna skodespelar frå skodespelarlinja ved Kunsthøgskolen i Oslo (2007-2011). Med rolla som Jonas i Søstrene er det første gongen han gjestar Det Norske Teatret.
Ved Nationaltheatret har han mellom anna hatt rolla som Hjalmar Ekdal i Vildanden + En folkefiende - Enemy of the Duck og tatt del i m.a. framsyningane Peer Gynt, Don Juan og OMsorg (med Goksøyr & Martens).
Med OverNorgeStarWorks ved Thalia Teater spelte han rolla som Peter i teaterversjonen av filmen Ett glass til. Med den gamle klassen frå skodespelarutdanninga Fjerdeklasses Produksjoner var han med på lage framsyninga En midtsommernattsdrøm for Riksteatret.
I 2015 blei han nominert til Best mannlege medspelar for rollene han spelte i Peer Gynt på Nationaltheatret. For rollen som Rochefort i Folketeatrets De tre musketerer blei han nominert til Komiprisen same året i klassen Årets gjennombrot.
Khademi er særskild kjend frå film og TV. I rolla som Einar Førde i NRK-serien Makta blei han kjent for heile nasjonen. Elles har han hatt roller i mellom andre TV-seriar som Heimebane og Gutta på skauen (NRK), Hjem til jul, Beforeigners og Jo Nesbøs Harry Hole (Netflix) og Heksejakt (TV2).
Filmar han har vore med i er mellom andre Agnes mot verden og Fjolls til fjells, der han har hatt berande roller.
For rollen i filmen Ninjababy vann han i 2021 Amandaprisen for Beste mannlege birolle, og i 2022 blei han nominert til Gullruten som Beste mannlege skodespelar for Jordbrukerne (NRK).
