Notis

No er vi her - endeleg!

Kjære publikum, det har ikkje vore lett å vere publikummar dei siste 20 månadene. Først ein pandemi, og så ein langvarig og krevjande streik gjer at vi har måtta avlyse eit enormt stort tal framsyningar. Men no er Det Norske Teatret endeleg ferdig med å avlyse! No skal vi spele teater. For fullt – og på alle scenar! Og vi vonar de framleis vil komme og sjå oss. Vi treng dykk no, meir enn nokon gong!

Vi har masse å by på og gler oss til å opne teatersalane for publikum allereie i morgon. Vi kan garantere eit føreseieleg, rikhaldig og godt repertoar som har noko for alle. Det blir alt frå familievennleg til smalt og nyskapande. Store klassikarar, musikkteater, nyskriven dramatikk og poesikveldar. Vi har meir enn 20 titlar å velje mellom på fem scenar denne hausten. No kan du fint planlegge fram i tid, ta med deg venner og familie. Takk for at du har vore tolmodig med oss. Vi er her no - for deg. Vi vil ønske deg velkommen tilbake igjen med eit supertilbod. Du kan no kjøpe billettar til alt vi har i repertoaret i 2021 for halv pris til og med onsdag 27. oktober.
Vel prisen HALV PRIS når du kjøper billettar på nett.
Velkommen tilbake til oss!

Helsing Erik Ulfsby