Oversyn over heile repertoaret nedst i artikkelen!
Heile ti av tolv produksjonar er nytt norsk teater. Det spenner frå ei gjendikting av vårt eldste kjende diktverk Edda til ei musikalsk dramatisering av Stein Torleif Bjellas univers. I tillegg kjem det ei ny oppsetjing av Beckett i regi av Bjørn Sundquist, Brit Bildøens kritikarroste roman Sju dagar i august er blitt dramatisert for teater og Alan Lucien Øyen tar for seg Lars Noréns Som lauvet i Vallombrosa.
Robert wilson er tilbake
Robert Wilson er tilbake på Det Norske Teatret, 12 år etter at han sette opp ein Peer Gynt som det framleis blir snakka om. Den verdskjente amerikanske regissøren har fått i oppdrag å setje sin karakteristiske signatur på den norrøne mytologien med framsyninga EDDA, som har urpremiere i ein versjon av Jon Fosse på Det Norske Teatrets hovudscene 4. mars.