Er det nokon du ønskjer å sjå meir til? Gi dei ei oppleving i gåve!
Har du ein venn du møter for sjeldan? Kva med å gi bort ei teateroppleving de kan dele i lag?
Vi har noko som kan passe for søster, bror, tenåringen, mor, far - ja, rett ut: Alle! I ein travel kvardag kan det vere vanskeleg å finne tid til kvarandre. Kva med å skaffe barnevakt og tilbringe ein date-kveld med kjærasten din? Ein hyggeleg kveld er den perfekte gåva i år!
Her finn du våre tips til fine opplevingar du kan legge under juletreet. Eller - du kan også gi eit gåvekort på ein valfri sum!
Ser du etter kalendergåve?
Treng du tips til adventskalenderen? Kva med å gi bort teater i førjulstida - eller i romjula? Vi speler Snøsøstera, som passar for heile familien. Og tre søndagar i advent kan du oppleve Herborg Kråkeviks Juleroser på Hovudscenen. Garantert julestemning!
Til mor, bestemor - eller den som likar medrivande familiedrama
Eit tips til den leseglade! Kjenner du nokon som elska romanane Arv og miljø eller Jordmor på jorda? Eller som kanskje vil stifte kjennskap til nobelprisvinnaren Fosse? Da er desse tre framsyningane ein garantert suksess under juletreet.
Til søster - eller den som berre likar storslått drama
Til ei barnlaus kattekvinne? Verdslitteraturen er full av fantastiske forteljingar, stormande kjærleik og hjartelause drap. Lady Macbeth skyr ingen middel for å få den ho vil ha. Passar også for den som er glad i katt!
Til onkel, nevø - eller den som berre elskar musikk
Til den kresne... eller kreisi? Anten ein likar eurobeats eller jazza folketonar - vi har ei framsyninga som passar!
Europavisjonar
Sånn har du aldri sett Putin danse... Opplev europeisk storpolitikk som ESC-show!
Jazz på nynorsk
Mange elskar Jan Johanssons 'Jazz på svenska'. Endeleg har vi fått ein norsk versjon!
Til søster - eller den som vil vere først ute med det siste
Perfekt til teaterkjennaren! Både Tid for glede og I vårt sted har fått panegyriske kritikkar. Arne Lygre har for alvor etablert seg som ein av vår tids mest spanande dramatikarar. Det er ei storhending når eit nytt skodespel får verdspremiere, og du kan gi den bort til jul.
Ikkje ein lyd
Eit stjernelag av skodespelarar i eit intenst og finstemt drama på Hovudscenen.
Til kjærasten
Date night? Vil du gi bort ein romantisk kveld til kjærasten din? Musikalen Once er ei sterk kjærleikshistorie som vil smelte hjarta dykkar. I tillegg er det kul musikk! Kva med å kombinere med ein god middag i restauranten vår?
Once
Irsk folk-rock er sjølve motoren i denne framsyninga som handlar om eit tilfeldig møte.
Til ungdommen i huset
Til den som treng å komme opp av sofaen! Er du lei av ungdom i skrolle-modus? Ta dei med på teater! Eller gi dei to billettar, så kan dei ta med ein venn! Vi kan friste med både røff oppvekstskildring frå Oslo og nyskapande anime-rave på Scene 3.
Da vi var yngre
Lovrenskis suksessroman blir teater i Aksel Hennies regi. På scenen står rapparen Jonas Benyoub.
Scene 3
GET EXCITED! Teaterrevolusjonen kjem til Scene 3 med inspirasjon frå anime, dataspel, film og mote!
Til far, bestefar - eller den som berre likar å sjå andre arbeide
Fekk du aldri lese boka? Heil ved passar ypperleg for den som elskar lyden av stemma til Lars Mytting og musikken til Stein Torleif Bjella. Her kan ein lene seg tilbake og sjå andre gjere arbeidet, medan ein filosoferer over det viktige i livet.
Har barna alt dei treng? Gi bort tid saman
Romjulsteater med familien? Snøsøstera er den perfekte gåva for barn i alle aldrar! Det er magisk scenografi, nydeleg musikk og ei hjartevarm historie.
For heile familien! Snøsøstera
Terningkast 6 til Maja Lundes magiske juleforteljing! Snøsøstera speler også i romjula.
