Kva nashornet såg

  • Scene : SCENE 3
  • Pris frå: 120 ,-
  • Premiere: 15. februar 2018

«Kanskje venner ein seg med tida til alt»

Vi er i ein ganske vanleg dyrehage. Her bur det mange eksotiske dyr som lever eit bedageleg liv bak gjerda. Men etter at eit nashorn døyr på mystisk vis, flyttar ein bjørn inn i dyrehagen. Bjørnen begynner å stille ubehagelege spørsmål: Kven er desse merkelege skapningane som bur på den andre sida av gjerdet?

Vi er i ein ganske vanleg dyrehage. Her bur det mange eksotiske dyr som lever eit bedageleg liv bak gjerda. Men etter at eit nashorn døyr på mystisk vis, flyttar ein bjørn inn i dyrehagen. Bjørnen begynner å stille ubehagelege spørsmål: Kven er desse merkelege skapningane som bur på den andre sida av gjerdet?

Dei kjem med tog og er tynne som pinnar, stripete som sebraer, men dei går på to bein og luktar ikkje særleg godt. Sebra-vesena er meir døde enn levande. Slike skapingar har bjørnen aldri før sett.

Det velorganiserte livet til murmeldyret, pappa Bavian og alle dei andre dyra i dyrehagen blir forstyrra av bjørnens påtrengande spørsmål. Når det mest forferdelege har blitt ein del av kvardagen, er grensene for kva vi toler flytta.

Med tida venner ein seg til alt, og da må det ein nyinnflytta bjørn til for å ta grep.

PRISVINNANDE DRAMATIKAR

I stykket Kva nashornet såg på andre sida av gjerdet har dramatikar Jens Raschke dikta inn dyras blikk og tankar for å ta opp spørsmål om vald, sosial undertrykking og det kollektivt umedvitne. Handlinga er lagt til 2. verdskrigen og ein dyrehage i konsentrasjonsleiren Buchenwald.

Denne dyrehagen eksisterte faktisk, låg vegg i vegg med konsentrasjonsleiren, og var eit populært helgetilbod for borgarane i Weimar under den andre verdskrigen. Stykket er ei oppmoding om sivilt mot og om å stå opp mot undertrykking. Andre si liding kjem også deg ved.

Skodespelet vann den tyske barneteaterprisen i 2014.

Tilrådd aldersgrense: 11 år