I nesten fem tiår har Robert Wilson vore aktiv og har vore ein ruvande personlegdom i avantgardeteatret. Han blei berømt gjennom oppsetjinga Einstein on the Beach i 1976, eit samarbeid med den amerikanske komponisten Philip Glass. Sidan har han sett opp på teater over heile verda og levd eit hektisk internasjonalt sceneliv. Hans mest berømte oppsetjingar i Skandinavia er nok Strindbergs Draumspel (1998) i Stockholm, Woyzeck saman med Tom Waits (2000) i Köbenhavn og sjølvsagt Peer Gynt (2005). Sistnemnde var eit samarbeid mellom Det Norske Teatret og Den Nationale Scene, eit stykke som blei spelt både i Oslo, Bergen - og New York.
![](https://detnorsketeatret.imgix.net/dybdeartiklar/robert-wilson/Robert-Wilson-paa-Det-Norske-Teatret-EDDA.jpg?auto=format&crop=crop%3Dfocalpoint&fit=crop&fp-x=0.5&fp-y=0.5&h=222&ixlib=php-3.3.1&w=330)
Bakgrunnsartikkel
Robert Wilson
Ein av verdas største regissørar.