Skrive av
Ida Michaelsen
Informasjonssjef
Tolvskillingsoperaen viser innretninga av eit samfunn der alt og alle er til sals, der ingen og ingenting har meir verdi enn det har på ein marknad. Og der ingenting er unntatt denne marknaden. Ingen kan stole på nokon eller noko. Heller ikkje sine eigne kjensler.
Tolvskillingsoperaen stiller grunnleggande spørsmål ved objektiviteten til myndigheitene, kritiserer kapitalismen og hierarkiet i samfunnet. Stykket skildrar kor djupt menneske kan søkke for å skaffe mat på bordet til seg sjølv og sine, og kor kort avstanden er frå den armaste fattigdom til den mest ubegripelege rikdom.
