- No skal vi endeleg slutte å snakke. Vi skal begynne å gjere!
![Mimmi Tamba, som skal spele Elsa, var glad for å sjå att gode kollegaer etter sommarferien.](https://detnorsketeatret.imgix.net/artiklar/frost-er-i-gang/DSC6535_2023-08-15-120008_ufcb.jpg?auto=format&crop=crop%3Dfocalpoint&fit=crop&fp-x=0.5&fp-y=0.5&h=279&ixlib=php-3.3.1&w=413)
![Julie Støp Husby ser også fram mot å ta fatt på rolla som Bulda.](https://detnorsketeatret.imgix.net/artiklar/frost-er-i-gang/DSC6541_2023-08-15-120017_htdp.jpg?auto=format&crop=crop%3Dfocalpoint&fit=crop&fp-x=0.5&fp-y=0.5&h=318&ixlib=php-3.3.1&w=374)
![Iben N. MacDonald skal spele Elsa som barn, og var kanskje ein av dei som var aller mest spent...](https://detnorsketeatret.imgix.net/artiklar/frost-er-i-gang/DSC6548_2023-08-15-120022_unas.jpg?auto=format&crop=crop%3Dfocalpoint&fit=crop&fp-x=0.5&fp-y=0.5&h=374&ixlib=php-3.3.1&w=448)
Og det tok ikkje lange tida før kjente tonar runga gjennom salen. Allsong, latter, rim, rytmar og stavingar. Det var attkjenneleg, men også nytt.
![](https://detnorsketeatret.imgix.net/DSC6668.jpg?auto=format&crop=crop%3Dfocalpoint&fit=crop&fp-x=0.5&fp-y=0.5&ixlib=php-3.3.1&w=250)
Vegard Bjørsmo er Kristoffer, og har brukt sommaren til å pugge korparti og songar.
Den nynorske gjendiktinga er det Runar Gudnason som står for. Han har arbeidd med manus sidan februar og gleda seg over å bryte inn i det han kalla ei «herleg historie, ein herleg film med herleg musikk». Og desse orda stemte godt overeins med det vi fekk høyre i prøvesalen denne aller første prøvedagen. Det var tydeleg at skodespelarane hadde nytta sommarferien godt til å øve inn tonane frå ei kaldare årstid.