Terningkast fem

en forestilling å få med seg

Are Kalvø stiller i en helt egen humordivisjon.

Vel anvendt tid

Visste du at vi nyttar om lag tre og eit halvt år av liva våre til å pusse tennene og stelle oss? At vi søv i gjennomsnittleg 27 år? Ser på TV og er på nett i 10 år? Ikkje det? Are Kalvø har saumfare tala i Statistisk Sentralbyrås Tidsbrukundersøking frå 2012, og funne fram til dei raraste ting vi bruker utruleg mykje tid på.

Er vi som lever her og no i det heile i stand til å gjere noko stort? Eller har vi for mykje anna å gjere? Kalvø leitar etter svar og nyttar skamlaust eksempel frå sitt eige liv og oppvekst, frå venner, kvardagsmenneske, politikarar, idrettsstjerner og andre kjendisar. Til å hjelpe seg på scenen har han eit lite husband, i tillegg til ein ny gjest kvar kveld. Du kan til dømes risikere å få vite kva Drillo, Erling Kagge eller Hadia Tajik driv med på fritida.

Finn Kalvø svaret?

Ikkje godt å seie, men han har tenkt å ha det morosamt medan han leitar. Og han har tenkt å bryte ut i song og digresjonar om alt frå plukkfisk til pubquiz, og kanskje – viss alt anna slår feil – i dans. Nyttar vi tida vår på dei rette eller dei gale tinga? Kanskje ligg svaret på ei av livets store gåter skjult i tala om tidsbruk. Kanskje sjølve meininga med livet.

Alder:
Om du lurer på å ta med heile familien, passar framsyninga for vaksne og barn frå 13 år.

Bok om livet på scenen

Kalvø har òg gitt ut bok der han har samla sine beste scenetekstar og fortel stort sett sanne historier frå det middels ville livet på scenen. Boka er i sal via Samlaget og i billettluka vår.

de best anvendte 90 minuttene hvis man vil more seg litt nå

Dagsavisen

Årets Sceneforestilling

Komiprisen 2015
Terningkast fem

Se Are Kalvø i høst!

Terningkast fem

Gapskratting med tårer i øynene

Finn ut meir