FAMILIEN - August: Osage County
På Hovudscenen frå 5. februar:
BROADWAY-SUKSESS ENDELEG PÅ NORSK SCENE
Når storfamilien kjem saman eksploderer barndomsheimen i pinlege avsløringar og smertelege oppgjer. Med beiske replikkar og bitande humor riv tre generasjonar kvarandre i fillebitar mens publikum set latteren i halsen. Med m.a. Britt Langlie, Jorunn Kjellsby, Marianne Krogh, Jan Grønli.
Sensasjonelt underhaldande - New York Times
Vinnar beste drama 2008 - Pulitzer-prisen og Tony Awards
Sjå info om Broadway-stykket her
TIDENES STØRSTE OVERSKOT
Det Norske Teatret ligg an til å få eit rekordgodt økonomisk resultat i 2009. Etter eit utfordrande år, kan teatret konstatere at tiltaka for å snu ein vanskeleg økonomisk situasjon har gitt ønska resultat. Eit variert repertoar ga eit samla publikumstal på 187 026 (175.000 for 2008). I eit år der fleire teater har nedgang i publikumstal, er det ekstra gledeleg at Det Norske Teatret har trekt så mange til teatersalane. Det Norske Teatret hadde eigne inntekter på omkring 42,8 millionar kroner. Dette er blant dei beste resultata nokon gong for teatret.
Les meir her.
BLENDVERK
På Scene 2 frå 12. februar:
DEKADANSE OG BRUTALITET
Blendverk er eit intelligent og utfordrande stykke som grip rett inn i vår urolege samtid. Fire kvinner er samla i ein luksusheim, utanfor er eit totalitært regime i ferd med å kollapse. I ein atmosfære av uuthaldeleg spenning og indre uro tvingar politiske, personlege og eksistensielle konfliktar seg til overflata og får fram nye samanhengar. Med Heidi Gjermundsen Broch, Ingunn B. Øyen, Nina Woxholtt og Ingrid Jørgensen Dragland.
DON CARLOS
På Hovudsenen frå 12. mars:
BLOD OG BEGJÆR
Don Carlos er rekna som som eit av den store tyske diktaren Schillers hovudverk. Stykket er fylt av romantisk glød, lidenskap pg kamp for rettferd. Med utgangspunkt i ei pasjonert kjærleikshistorie ved det spanske hoffet utviklar stykket seg til ein blodig maktkamp mellom fridom og tyranni. I hovudrollene Per Kjerstad og Nicolai Cleve Broch.
EVIG UNG
På Hovudscenen frå 13. februar:
KOMIPRISEN 2009
Vinnaren av Komprisen 2009 for beste framsyning er tilbake med ekstraframsyningar frå 13. februar. Kven kan stå imot galgenhumoren, hit-paradane, og gjøglargleda i denne sjarmbomba av ei musikkteaterframsyning? Med m.a. Charlotte Frogner og Anders Rogg.
Shownumre i toppklasse - VG
Helsefarlig morsomt - Aftenposten (les heile kritikken her)
DEN STYGGE
På Scene 2 frå 19. mars:
NÅDELAUST KOMISK
Oppfinnaren Lette er så usannsynleg stygg at han blir nekta å promotere si eiga oppfinning. Fortvila søkjer han hjelp hos ein plastisk kirurg som forvandlar han til ein Adonis. Men kva skjer når ansiktet hans blir ei salsvare og alle vil sjå ut som den nye Lette? Med brodd og humor driv komedien om Lette gjøn med vår tids dyrking av det ytre, med den kosemtiske kirurgien og jaget etter nye identitetar. I hovudrolla Svein Tindberg.
BAKSNAKK
Tysdag 16/2 kl. 18:00:
Kva løgner skjuler seg bak diktatur, begjær og dekadanse? Knut Andreas Grimstad, Rebecca Scherr og Jacob Lothe vil diskutere den britiske, kritikarroste dramatikaren Abi Morgans stykke Blendverk. Fri entré. Les meir om programmet her.
MATINEPROGRAM
Vårens matinéprogram er klart!
GRIP DAGEN - GÅ PÅ MATINÉ
Frå og med 30. januar kan du sjå alle dei sju framsyningane på vårprogrammet på dagtid. Tilbodet er på kort tid blitt svært populær så skund deg med billettkjøpet. Om du er ein ivrig matinégjengar er kanskje matinépakka vår noko for deg?
LADYEN AV BURMA
På prøvesalen frå 11. mars:
AUNG SAN SUU KYI
I Ladyen av Burma speler Ingunn Øyen ein monolog om nobelprisvinnaren Aung San Suu Kyi. I stykket sit ho i eit fengsel i Rangoon etter arrestasjonen i 2003. Som ein rollefigur i et gresk drama står ho opp for saka si, ubøyeleg og modig og ofrar dei ho elskar for ei sak som er endå større: frigjeringa av sitt land og folk.
UNGDOMSKORTET
Frå 15. januar:
Ungdomskortet gir alle mellom 16 og 25 eksklusive teaterbillettar til berre kr 85 på eit utval datoar. I tillegg legg vi opp til eit eige medlemsprogram under vignetten Sjekk scenen. Kortet, program og meir info får du her. Følg oss på eigen Facebook-side her.
KJÆRLEIKEN OVERRASKAR IGJEN
På Scene 2 frå 15. januar:
KJÆRLEIK PÅ PRØVE
I denne sjarmerande komedien av den franske meisteren Marivaux er det kjærleikens uranskelege natur som står i fokus. To naboar har bestemt seg for å stengje kjærleiken ute på livstid men den magiske forelskinga grip om seg i takt med mange morosame, såre og opprivande intrigar. I hovudrollene Svein Tindberg og Gjertrud Jynge.
Praktfull kjærlighet, spilt så det er en fryd - Dagbladet
Ypperlige prestasjoner - Aftenposten (les hele kritikken her)
