Ut og stjæle scener
Kva kan hende når improvisatørane frå Det Andre Teatret "stel" scene 2, i den scenografien som tilfeldigvis står der? Alt, kanskje?
Ut og stjæle scener er eit konsept der improvisatørane frå Det Andre Teatret dukkar opp hos eit anna teater og «stel» eit scenerom. Der improviserer dei fram ein ny einaktar basert på scenografien som står i rommet, komplett uvitande om korleis teateret sjølv har brukt inventaret. Denne kvelden er det scenografien til Eg føreslår at vi vaknar på Det Norske Teatret som blir invadert og gitt ny meining.
Ein treng ikkje å ha sett Eg førelår at vi vaknar for å få noko ut av den nye einaktaren. Dette er noko heilt anna!
Det Andre Teatret
Det Andre Teatret er eit teaterhus basert på improvisasjon. Teateret er kjent for eit variert repertoar av scripta og improviserte framsyningar for alle aldrar. Dei spelar over 350 framsyningar kvart år på sine eigne scenar i Oslo, og reiser på turne til skolar, kulturhus og internasjonale festivalar over heile verda. Det Andre Teatrets stil og kjenneteikn er omforming, nær historieforteljing fortalt i dialog med publikum og leik med teatrale verkemiddel.
Framsyninga er eit gjestespel frå Det Andre Teatret