Olav Duun 150 år Olav Duun 150 år
I 2026 er det 150 år sidan Olav Duun blei fødd, og vi er med og markerer 150-årsjubileet. Les kva meir som hender i løpet av jubileumsåret!
Forfattaråret opnar med premiere på Medmenneske 17. januar på Hovudscenen. Stykket har vore eit fast innslag på repertoaret til Det Norske Teatret, og er ein klassikar i den nynorske teaterarven, ei kraftfull forteljing om både mørk vondskap og menneskeleg godheit.
Duun var ein kritikar-favoritt og fleire gonger nominert til Nobelprisen i litteratur. Likevel var han sjølv skeptisk til eigne dramatiske evner. Då teatersjef Haaland ved Det Norske Teatret i 1923 spurde om Duun kunne tenkje seg å skrive for scenen, svara han tørt:
Nei, gubedre, eg har aldri våga med på å skrive noko dramatisk; eg har aldri fått mot til å freiste eingong. Gjer eg den store vondskapen, skal eg få lov å sende Dykk resultatet.
Likevel var han involvert i dramatiseringa av romanen Medmenneske i 1937 – berre to år før han døydde. Sidan den gong har stykket hatt ein sentral plass i repertoaret vårt. Våren 2026 inviterer vi til samtalar, opplesingar og introduksjonar om forfattarskapen og arven etter Duun i samband med framsyninga Medmenneske.
Framsyningar
Medmenneske av Olav Duun
Ny oppsetjing av Duuns storverk på Hovudscenen på Det Norske Teatret.
Om drivkreftene i Medmenneske Introduksjon med Marit Aalen
Kva for rolle speler kjenslene når etikkens grenser blir brote? Med Marit Aalen.
Drøs om Duun Introduksjon før Medmenneske
Velkommen til ein Duun-prat før framsyninga. Med Inger Johanne Sæterbakk og Siri Løkholm Ramberg.
Drøs om Duun Introduksjon før Medmenneske
Velkommen til ein Duun-prat før framsyninga. Med Inger Johanne Sæterbakk og Siri Løkholm Ramberg.
Makt og lagnad i Medmenneske Introduksjon 15. mars
Korleis skildrar Duun dei irrasjonelle kreftene i oss? Med Ronny Spaans.
Arrangement
Duun-året 2026
Duun-ringen har laga eit oversyn over alt du kan oppleve rundt om i landet i jubileumsåret 2026.