Lunsj&Lyrikk går føre seg i Bikuben i 2. høgda. Her blir det servert smørbrød, kaffi og heimebakte kaker frå kl. 11.30 kvar dag måndag til fredag. Lyrikken blir servert kl. 12.00.

I Lunsj&Lyrikk stiller kunstnarar frå teatret eller andre med korte opplesingsprogram på bakgrunn av tema i repertoaret, eigne prosjekt, bokpresentasjonar frå forlag, ideelle organisasjonar og liknande. Lunsj&Lyrikk er eit populært pustehol, det har blitt ein fast møtestad for mange. I 2019 har Lunsj&Lyrikk halde på i 33 år!

Frå veke 24 tek Lunsj & Lyrikk sommarferie.