Frå landevegen
av og med Gjertrud Jynge
Vegen til helvete er brolagd med gode intensjonar. Gjertrud Jynge fortel om tippoldefaren, presten Jakob Walnum, som ville at ungane skulle på barneheimar og dei vaksne i tvangsarbeid for at taterane skulle bli som andre nordmenn. Ei forteljing om den brutale fornorskinga av romanifolket. På akkordeon, Espen Leite.
På folkemuseet på Bygdøy står den gamle prestegarden frå Leikanger i Sogn. Skodespelar Gjertrud Jynge har mange og sterke slektsminne knytt til denne vakre bygningen. Her vaks oldemor hennar, Louise opp, og her fekk far til Louise, soknepresten Jakob Walnum (1851-1925), sitt kall frå Gud: Han skulle bygge opp ein misjon for å verke blant taterane, Romanifolket, han skulle få slutt på omstreifarvesenet. Taterane skulle bli som andre "gode" nordmenn, kristne og bufaste. Dei vaksne blei sett til tvangsarbeid i eigne leirar, barna blei sende på barneheimar, ofte tekne frå foreldra med makt.
Omstreifervesenet
Walnum var den første generalsekretæren i "Foreningen til motarbeidelse av omstreifervesenet", seinare kjent som "Norsk misjon blant hjemløse", som med støtte frå storting, regjering og kongehus blei ein motor i fornorskinga av taterane gjennom nærare hundre år. Ein privat, kristen og statsstøtta organisasjon fekk drive ein til dels brutal reformpolitikk, nokså uhindra frå slutten av 1890-åra og heilt fram til 1989.
«Alt er gratis*»
Framsyninga er del av «Alt er gratis*»-perioden på Scene 3 hausten 2023.
Gratisbillettar til framsyninga blir tilgjengeleg kl. 08.00 7 dagar før speledato.
Det er avgrensa tal på plassar, og stor rift om billettane!
Etter hvert skjønte jeg at det han drev med er et ganske mørkt kapittel i vår historie.