PUBDATA er eit forprosjekt for det som skal bli ei framtidig nasjonal analyseteneste og kulturmonitor for kulturfeltet, utvikla av bransjen saman med Norsk Publikumsutvikling.
Den vil gi oss brei innsikt i kven som kjem til Det Norske Teatret, og kven som ikkje kjem. Og den gir oss moglegheit til å samanlikne våre resultat med andre kulturinstitusjonar i Noreg og internasjonalt.
Med Effektstudiet har Det Norske Teatret, saman med ni andre institusjonar, målt effekten av tiltak for meir mangfald i kulturlivet. Er det skilnad på publikum som kjem til Det Norske Teatret i sentrum, og dei som finn vegen til Rommen Scene i Groruddalen? Betyr det noko å spele Tante Ulrikkes vei eit steinkast frå Tante Ulrikkes vei?
Effektstudiet har gitt oss verdifull innsikt i publikumssamansetninga, effekten av progammeringsval og kommunikasjon, samt eit verktøy til over tid å hauste erfaringar frå målretta arbeid for å nå eit meir mangfaldig publikum.
COVID-19 Monitor var ei nasjonal tverrkunstnarleg undersøking av effekten koronakrisa hadde på publikum. Gjennom tre innsamlingsrundar i 2020 viser undersøkinga korleis publikum har endra seg gjennom pandemien.
Det har vore viktig i manøvreringa av aktivitet og kommunikasjon gjennom vekslande smitteverntiltak i 2020. Den har gitt oss større forståing for korleis publikum opplever tryggleiken på teateret, og interessa for digitale alternativ.
For eit teater som har som oppgåve å nå eit stort og mangfaldig publikum, betyr kunnskapen desse undersøkingane gir oss mykje. Dei har vore viktige i manøvreringa i aktivitet og kommunikasjon i annleisåret 2020. Men enda viktigare har dei gitt oss verdifull forståing for korleis publikum opplever tryggleiken når vi igjen kan opne i 2021.