Innsikt

Leselaget: Medmenneske Leselaget: Medmenneske

Gratis introduksjon til romantrilogien av Olav Duun

I tredje sesong av podkasten Leselaget inviterer vi til å lese Medmenneske-trilogien av Olav Duun. Vi spelar inn med publikum til stades, så hent deg ut ein gratisbillett og bli med!

I 2026 er det 150 år sidan forfattaren Olav Duun blei fødd. I høve jubileet skal podkasten Leselaget lese dei tre bøkene Medmenneske (1929), Ragnhild (1931) og Siste leveår (1933).

Vi inviterer til tre direkteopptak der dramaturg Ingrid Weme Nilsen tar for seg kvar av dei tre romanane. Kvar episode har ein ny gjest.

Vi vil gjerne ha deg med på denne lesemaratonen!

Anten kan du lese saman med oss, bok for bok, eller la andre ta seg av lesinga og berre komme for den gode samtalen. Kvar episode blir lagt ut som podkast, men ønskjer du å vere til stades under samtalen, så kan du det!

Hent deg ut gratisbillett.

Johannes Holmen Dahl er gjest i første episode av Leselaget: Medmenneske.

Del 1: Medmenneske med Johannes Holmen Dahl

17. februar kl. 17.30

På garden Stavsund har dei pensjonerte gardbrukarane Didrik og Tale tatt plass i kårboligen, medan sonen Håkon og svigerdottera Ragnhild har flytt inn i våningshuset i lag. Men gamle Didrik har verketrong. For han er alle forhold, også dei familiære, forretningar. Han er villig til å gå over lik for å få "sin rette", som han kallar det. Svigerdottera Ragnhild på si side, gjer sitt beste for å redde sin eigen og andre sin familie. Er det lagnaden, eller blir den slue Didrik offer for sitt eige renkespel?

Devel-auga lyste på henne meir levande enn før; dei lo og sa at det vonde drep du ikkje med øks.

Johannes Holmen Dahl er ein av Noregs mest meritterte regissørar. I 2025 har han dramatisert og hatt regi på Medmenneske, som no speler på Hovudscenen på Det Norske Teatret. Han er første gjest i denne sesongen, for å snakke om romanen Medmenneske av Olav Duun. Samtalen blir leia av Ingrid Weme Nilsen.

Hent gratisbillett HER.