Sudden death Sudden death

Ein mann på veg til tennistrening får ein telefon han ikkje vil ta. Kva er det han nekter å høyre?
Så køyrer han i hel ein katt. Eller? Gjer han det?

Sudden death handlar om fornekting og livets svikefulle dramaturgi, og dessutan litt om tennis. Det dreier seg om korleis historiene vi fortel kvarandre om livet – i filmar, i nyheiter, i sosiale og usosiale medium – skapar forventningar som kanskje ikkje stemmer heilt overeins med verkelegheita. Og kva er rett når alle har krav på sin eigen versjon?

Dramatikar Petter S. Rosenlund sitt manus er ein intelligent satire over eit mediesamfunn der fiksjonen er i ferd med å bli meir verkeleg enn verkelegheita. Ei god historie trumfar sanninga. Det har blitt ei framsyning som speglar samtida i si mest outrerte form, som sprett ubekymra mellom det aggressivt plumpe og ufiltrert sår poesi.