Dragbingo med Ivana Impeachum Dragbingo med Ivana Impeachum

Ivana Impeachum har dei siste åra blitt ein av landets mest framstormande dragartistar, med bingo som sitt spesialfelt. Med si skarpe tunge og frekke tilnærming, har ho tatt publikum med storm – for når Ivana slepper skravla laus er ingen trygge og ingen tema tabu. Ho har tidlegare gjesta mellom anna Nationaltheatret, Chat Noir, Oslo Pride, Trøndelag Teater og Teateret Vårt, i tillegg til veldig mange Pride-feiringar rundt om i landet. Ho er også fast bingovertinne på SALT, Teaterkjeller’n og i Arendal.

I 2025 vann Ivana Impeachum konkurransen «Norways next drag champion». Ho er den einaste som har vunne både kvartfinalen, semifinalen og sjølve finalen.

I samband med Oslo Pride har ho gratis bingo på Det Norske Teatret 23. juni kl. 17.00! Bingobrett kan du kjøpe i baren.

Hent deg ut ein gratisbillett og bli med! Velkommen!