Bakgrunnsartikkel

Abdulhakim «Hkeem» Hassane

Abdulhakim «Hkeem» Hassane er ein norsk rappar, songar og låtskrivar frå Stovner i Oslo. Våren 2017 fekk han sitt gjennombrot med låten Fy faen, saman med ungdomsvennen Temur Baig.

I 2016 gav Hassane ut sine første låtar Svartingens synspunkt, Sakte, men sikkert, Ekte og 2016. Året etter fekk han platekontrakt med Universal Music. Med Fy faen slo han igjennom for alvor, nådde førsteplassen på VG-lista, og låten var også ei stund Noregs mest strøymde låt på Spotify.

Fy faen vann klassen Årets låt under Spellemannprisen i 2017 og blei i tillegg nominert i klassen Årets låt under P3 Gull same året. Hkeem blei òg nominert til årets nykommar under både P3 Gull og Spellemannprisen. I 2018 vann han Spellemannsprisen i klassen årets musikkvideo for Ghettoparasitt. Hassane var med i den ellevte sesongen av Hver gang vi møtes på TV 2.