Notis

Trygt teaterbesøk!

Vi følger styresmaktenes retningsliner, og har opna for 200 publikum. i salen. Her kan du lese meir om tiltaka våre - velkommen på teater!

• Reglane for innandørs kulturarrangement tilseier at det kan vere inntil 200 publikum i salane våre, med avstand mellom dei som ikkje er i kohort.
• Ha på deg munnbind når du ferdast i lokala våre. Du kan ta av deg munnbindet når du sit ved bordet i restauranten, eller når du har sett deg ned inne i teatersalen.
• Pass spesielt godt på å halde avstand når du går inn og ut av teatersalen.
• Ønskjer du plexiglas mellom deg og den du sit nære, kan du vende deg til publikumsvertane.
• Det står desinfeksjonsmiddel ved inngangsdøra.


Publikum som har kjøpt billettar og blir flytta på

Vit at Det Norske Teatret arbeider hardt for å legge til rette for eit trygt og sikkert besøk i tråd med styresmaktene sine retningslinjer! Vi har forsøkt å flytte publikum til tilsvarande gode plassar i salen, og billettar kjøpt i same bestillinga er flytta til det same området. Sjølv om de ikkje har fått billettar på same rad, sit de altså framleis nære kvarandre. Og dersom de har bestilt billettar i lag med personar frå eigen husstand eller andre som er tilsvarande nære, kan de flytte dykk nærmare kvarandre.

Sit du i karantene eller er sjuk?

Ring billettluka på tfl. 22 42 43 44, så hjelper vi deg med å endre billettane dine.

Velkommen til Det Norske Teatret!

Servering

Løve Restaurant & Bar er open. Bestill gjerne drikke til pausen i baren!

Oppdatert 18.01.2021 kl. 23.13.