Innsikt

  • Scene : FOAJEEN
  • Pris frå: 0 ,-

Velkommen til Innsikt!

Vi tilbyr eit breitt sideprogram for deg som er interessert i bakgrunnsstoff og utdjuping i sesongens repertoar. INNSIKT er som oftast knytt til kveldens framsyning og går føre seg i Bikuben eller på Scene 3. Arrangementa er gratis og du treng ikkje billett, men det er avgrensa med sitteplassar. Velkommen!

 

DATO: 18. mai kl. 17.15, 21. mai kl. 18.15.

I 2017 kom NRK-dokumentaren «Hemmeligheten bak Peer Gynt», der journalist Ninja Benneche nærma seg ei sanning om korleis ein kan forstå Peer. Høyr Benneche dele sine tankar om karakteren: Korleis Ibsen plasserer han, presenterer han; kva Peer Gynt ønskjer seg og kva han ikkje klarer å motstå. I Bikuben før framsyning. Det er gratis og du treng ikkje billett.

DATO: 2. juni kl. 15.15.

Høyr forfattar, kritikar og journalist Inger Merete Hobbelstad introdusere Peer Gynt før framsyninga.

DATO: 15. mai kl. 19.15, 19. mai kl. 15.15, 4. juni kl. 19.15, 5. juni kl. 19.15, 11. juni kl. 19.15.

Geir Rakvaag er musikkjournalist og har skrive for Dagsavisen i meir enn 30 år. I 2019 fekk han heidersprisen Årets Bylarmer for sin innsats for norsk musikk. «David Bowies død betyr slutten på den mest forbløffende musikalske reisen i tid og rom som verden har sett og hørt,» uttalte Rakvaag til NTB i 2016. Høyr han introdusere Lazarus i Bikuben før framsyninga.

DATO: Laurdag 25. mai kl. 17.15.

Finn Bjelkes forhold til David Bowie er kjenslestyrt og svært lite leksikalsk. Han er superfan! Når han no skal introdusere framsyninga Lazarus, blir det ein springande og usamanhengande Bowie-hommage basert på Bjelkes eigne opplevingar og betraktningar. Finn Bjelke er programleiar i Radio Vinyl og har i ei årrekke leia programmet Popquiz. Han har gitt ut fleire humor og musikkquiz-bøker. Introduksjonen er i Bikuben før framsyninga.

DATO: Tysdag 28. mai kl. 19.15, onsdag 29. mai kl. 19.15, Onsdag 6. november kl. 19.15, laurdag 16. november kl. 17.45, søndag 17. november kl. 15.15.

Allereie på 1970-talet blei David Bowie omtala som ein rockens kameleon. Ein artist som bytta image med få års mellomrom, men som uansett stil alltid sto som ein eksponent for det heilt nye. Forfattar og journalist Leif Gjerstad har jobba i musikkfeltet i 40 år, har gitt ut fleire bøker, og driv musikk- og litteraturbloggen LeffesLab. I sin introduksjon til Lazarus tek Gjerstad for seg nokre av kapitla i Bowies karriere, frå glamstjerne via Berlin-epoken til comebacket på 2000-talet. Introduksjonen er i Bikuben, er gratis og open for alle.

DATO: Laurdag 24. august kl. 17.15, Torsdag 29. august kl. 19.15.

Arvid Skancke-Knutsen er rockhistorikar og skriv fast for Klassekampen og Ballade. Han har også skrive fleire bøker om musikk, inkludert større tekster om Leonard Cohen, Motorpsycho og Seigmen. På INNSIKT kan du mellom anna høyre Skancke-Knutsen snakke om Bowie som alien, og som den fremste skaparen av songar om romalderen. Introduksjonen er i Bikuben, er gratis og open for alle.

Har du tankar og innspel om INNSIKT?

Ta kontakt med formidlingsansvarleg Erlend Tårnesvik Dreiås: erlend.dreiaas(@)detnorsketeatret.no