Heddadagane

Framsyningar frå heile Noreg!

Heddadagane er ein teaterfestival for heile Noreg i Oslo, som blir avslutta med den prestisjetunge Heddapris-utdelinga. Sjå heile programmet for festivalen på https://www.heddadagene.no/

  • Dottera

    11. juni kl. 17.00
    12. juni kl. 17.00
    Hovudscenen/Bakscenen

    DOTTERA er del to i pentalogien LIVET – ei rad med framsyningar som skildrar overgangane i livet frå fødsel til død. Sceneteksten er basert på samtaler med foreldre, steforeldre, barn, ungdom og kvarandre.
    Publikum sit på eit stillas fire meter over bakken og kikkar ned i ein bustad med soverom, kjøkken, bad, stove og gang. Samtidig får dei også utdelt kvart sitt headset, slik at det er mogleg å følge eit tredimensjonalt lydbilde.

    av Goksøyr&Martens
    Regi: Goksøyr&Martens
    Med: Julie Moe Sandø Oddgeir Thune Heidi Gjermundsen Broch Tuva Holen Benjamin Haug Hagen og Casper Falck-Løvås

  • Våre barn

    Gjestespel frå Den Nationale Scene
    11. juni kl. 19.30
    12. juni kl. 15.00
    Scene 3

    Verda er i ferd med å gå av hengslene. Atomkraftverket er nesten øydelagt etter siste jordskjelvet. Vi møter eit ektepar, to pensjonerte kjernefysikarar, som får uventa besøk på den landlege tilfluktsstaden deira. Brått blir dei stilt overfor eit moralsk dilemma som femner vidt. Kor mykje vil vi gi avkall på for å betre framtidsutsiktene til dei som kjem etter oss?

    Av: Lucy Kirkwood
    Regi: Marie Blokhus
    Med: Marianne Nielsen, Jon Ketil Johnsen og Iren Reppen.

  • Lazarus

    11. juni kl. 20.00
    Hovudscenen

    Ei av David Bowies siste gåver til fansen. Basert på filmen The man who fell to earth, med 18 av dei finaste låtane til Bowie.

    På same tid som David Bowie arbeidde med avskjedsalbumet sitt Blackstar, skreiv han saman med Enda Walsh musikalen som hadde premiere i New York knappe to månadar før popikonet gjekk bort. Med Lazarus trekker han ein musikalske boge frå Blackstar tilbake til den musikalske starten og den skakke science-fiction-filmen The man who fell to earth, der Bowie sjølv spelte hovudrolla i 1976.

    av David Bowie og Enda Walsh.
    Regi: Anders T. Andersen

  • Tung tids tale

    11. juni kl. 20.00
    14. juni kl. 19.30
    15. juni kl. 18.00
    Scene 2

    Daniel er tre år, og foreldra gler seg over kor flink han er til å synge og prate. Men så sluttar snakkinga. Latteren vender seg innover. Den vesle guten endrar seg. For mora begynner ein kamp, først for å forstå kva som skjer med guten, så for å få hjelp til å gi han den omsorga han treng. Mødrer skal aldri gi opp, blir det sagt. Men kva er å akseptere, og kva er å gi opp?

    Av: Olaug Nilssen
    Regi: Marit Moum Aune
    Med: Kaia Varjord, Jon Bleiklie Devik, Marianne Krogh og Julie Moe Sandø

    Samproduksjon mellom Riksteatret og Det Norske Teatret i samarbeid Kilden Teater og Konserthus.

  • Tante Ulrikkes vei

    12. juni kl. 19.00
    13. juni kl. 19.00
    14. juni kl. 19.00
    15. juni kl. 15.00
    15. juni kl. 19.00
    18. juni kl. 19.00
    Rommen Scene

    Tante Ulrikkes vei handlar om to unge gutar sin kamp for å komme seg opp og fram og få eit betre liv. Det handlar om kjærleik, ungdomsliv og det å prøve å forstå storsamfunnet. Og det handlar ikkje minst om klasse og den politiske og politisk korrekte eliten si blindsone.

    av Zeshan Shakar
    Regi: Victoria Meirik
    Med: Adela Cudjoe og Manish Sharma

  • The Book of Mormon

    12. juni kl. 20.00
    13. juni kl. 20.00
    14. juni kl. 20.00
    15. juni kl. 18.00
    18. juni kl. 20.00
    Hovudscenen

    Dette er ein overraskande og satirisk musikal om religion, som har sprengt alle grenser for kva ein kan tulle med – og komme unna med. Vi følgjer to unge mormonarmisjonærar på deira første utanlandsopphald. Dei blir sende til Uganda. Utfordringane er langt større enn dei kunne førestille seg. Møtet blir mildt sagt ein kulturkrasj, men ein mormonar gir aldri opp. Og han trur – også på det mest usannsynlege.

    av Stone/Parker/Lopez
    Regi: Vidar Magnussen

  • Mare

    12. juni kl. 20.00
    13. juni kl. 19.30
    Scene 2

    Men kva får eit menneske til å hoppe frå balkongen og ta med seg barna sine? Anna enn verdas vondskap? At mørkeret har trengt seg inn i dei? Jorda er som ei stor mor som er lei oss.

    Mare er ein tragedie, eit mysterium, ein folkeleg festival i mytologisk landskap. I dette universet vil du møte mange karakterar frå samtid, historie og myte. Ein av desse er den greske myten om Medea. Regissør Lisa Lie har i lag med dei kunstnarleg medverkande og ensemblet skape eit scenisk verk i spenningsfeltet mellom ei lys handling og ein mørk tekst.

    Av: Lisa Lie
    Regi: Lisa Lie
    Med: Renate Reinsve, Madalena Sousa Helly-Hansen, Christian Ruud Kallum, Oddgeir Thune og Kjersti Aas Stenby

  • Inkognito

    13. juni kl. 20.00
    Scene 3

    Kan hjernen fortelje oss kven vi er?

    i Inkognito møter vi tre historier vovne saman over ein periode på 60 år undersøkjer tema som identitet og minne – eller kva det vil seie å vere menneske.

    av Nick Payne
    Regi: Peer Perez Øian
    Med: Ola G. Furuseth, Ellen Birgitte Winther, Kaia Varjord og Morten Svartveit

  • Staaloe - at bekjempe en kjempe

    Gjestespel frå Åarjelhsaemien Teatere AS
    14. juni kl. 12.00
    14. juni kl. 18.00
    15. juni kl. 14.00
    Foajeen

    Ei lita samejente slåst mot Staaloe og kona hans Rovtege for å redde seg sjølv og folket sitt. Staaloe er sterk og dum, Rovtege er ond, men den vesle samejenta er både smart og lur.

    Staaloe har gjennom tidene vore den verste fienden til menneska. Livretten er små barn, og difor skjulte samane buplassane så godt dei kunne og barna lærte seg å røre seg stille i terrenget. For Staaloe ser dårleg, men høyrer desto betre.

    Passar spesielt for barn i alderen 6-10 år. (Kan vere skremmande for barn under 6 år)
    Framsyninga spelast på norsk med nokre samiske ord og uttrykk.

    Manus: Marianne Kappfjell
    Dramaturg/ regi: Mette Brantzeg
    Med: Marianne Kappfjell

    Samproduksjon mellom den sørsamiske bokbussen Gærjah og Åarjelhsaemien Teatere AS.

  • Engelen frå Kobane

    Gjestespel frå Sogn og Fjordane Teater/Hordaland Teater 14. juni kl. 19.00
    15. juni kl. 16.00
    Scene 3

    Historia om Rehana er ei fiksjonsforteljing, basert på ei myte. Men alt som skjer i historia, har skjedd, og skjer framleis – i verda, i dag. Gjennom dei umenneskelege vala og utfordringane Rehana blir stilt
    overfor, får vi eit tankevekkjande innblikk i kor sårbart det er å vere ei ung kvinne i den pågåande konflikten i Syria. Ein krig som har skapt vår tids største humanitære tragedie, og der halve befolkninga er driven på flukt.

    «Engelen frå Kobane» er skriven av den britiske dramatikaren Henry Naylor, og er siste del av hans trilogi om konfliktane i Midt-Austen.

    Av: Henry Naylor
    Regi: Miriam Prestøy Lie
    Med: Madalena Sousa Helly-Hansen

    Samproduksjon mellom Hordaland Teater og Sogn og Fjordane Teater.