Bikubekveld

14. desember

A-capella-gruppa Digresjon er ein trupp på 8 songsterke menn. Til å runde av sesongens
Bikubekveldar har dei hausta inn alle julelåtane dei synest er gjevast og gitt dei ei ny og
spennande drakt. Vi lovar julestemning, sjarm og sprell!

MED
Frank Engelsvoll, Hogne Vangen, Sigurd Andreas Vespestad Marthinussen, Jim-Roger Knutsen, Erik Bauck Bårdstu, Erlend Leinan Lund, Bjørnar Øksenvåg og Håkon Sand.

Attend the tale of Sondheim 2
Bli med på ei reise i det fargerike songuniverset til Stephan Sondheim, ein av dei største tekstforfattarane og komponistane i musikalhistoria. Eit djupdykk i korleis tekst og musikk kan bli føydd saman på ein særs vellykka måte.

Johan Osuldsen er vert og bind kvelden saman gjennom anekdotar, kommentarar, digresjonar, og set musikkteater inn i samanhengen med resten av teaterverda. Heidi Gjermundsen Broch og Mari Lerberg Fossum framfører utvalde songar frå det rikhaldige kartoteket til Sondeheim.

Svevngangar er ein Bislettbasert folk-duo med fleirstemt vokal og strengeinstrument. Tekstane er henta frå godteskåla med nynorsk poesitradisjon med favorittane Garborg og Hauge, men dei har og funne plass til nyskrive tekstar på spelelista. Svevngangar syng om dei store tinga i livet, og freistar gjere det triste vakkert. I alle fall for ein kveld.
Så set du pris på songar om kjærleik og døden pakka inn i eit lydbilde av banjo, nøkkelharpe, trekkspel, basstromme og tamburin (og kanskje fele og gitar om det røyner på) veit du kvar du skal ta vegen. Vaken eller ikkje.

I 2000 hadde to musikalar med namn The Wild Party premiere. Den eine komponert av Michael John LaChiusa, den andre av Andrew Lippa. Den eine hadde premiere på Broadway, den andre «off».
Lippa og LaChiusa har i tillegg skrive musikalar som The Addams Family, Bernarda Alba, Little Fish, Big Fish og Hello Again. Du treng ikkje å flakke med blikket og skjemmest over at du ikkje har fått dette med deg, dei er nemleg ikkje så kjend for dei fleste. Derfor inviterer vi til ein speed date eller eit kjapt møte med desse komponistane som kanskje gjer at du vil møte dei igjen om du får sjansen.

Boney M, Chaka Khan, Diana Ross, Michael Jackson, Eart, Wind & Fire. Glitrande slengbukse, sveitte dansegolv og fengande songar som får deg til å danse heile natta? Ja, alt dette blir det når boogien tek discogleda inn i Bikuben.
1970-talet var ei tid der frigjeringskamp, likestilling og rettferd opptok folk, og discoen blei ein måte å feire livet på. Og det er akkurat det vi skal gjere denne forrykande februarkvelden, der du kan skulde boogien for alt. Disco-entusiast Amanda Kamara er i spissen, så det er berre å halde av datoen og "Do the hustle"!

DJ Bendik Baksaas og poet, artist og skodespelar Fredrik Høyer slepp ved fullmåne i mars diktprosjektet "Til alt Ute". Eit prosjekt der tekno og deklamasjon av poesi kjem kvarandre i møte og hyllar laurdagsnatta. På Bikubekvelden får vi ein smakebit av prosjektet. Denne kvelden tek Luftens Helter også med seg nokre hemmelege gjester.

Klar for ein kveld med barokk-pop og dei store emosjonane? MIMMI er songar og låtskrivar frå Tromsø. Ho fullførte i mai 2018 ein bachelor i skodespel på Det Norske Teatret, og kjem i 2019 ut med sitt andre album.

Lurar du på kva som er dei hemmeleg slager-kjærleikane og dei skamgod låtane til skodespelarane i The Book of Mormon? Då anbefaler vi deg å ta turen til Bikuben denne fredagen!
NB! Vi gjer merksam på at det kan bli rørande, pinleg og ganske morosamt.

Skodespelarane Charlotte Brænna, Amund Sigurdssønn Karlsen, og Ina Svenningdal hyllar teikneserieheltane som vi alle kjenner til frå Disney. Dette blir ein teaterkonsert med prinsesser, vonde hekser, kongelege løver, havfruer, rike onklar, aristokattar og ein haug med dalmatinarar. Så set deg på det flygande teppe, og bli med inn i ei magisk songreise!

K + D = er ein duo med Daniel Stähler og Kirsti Lucena Andersen. Saman arrangerer dei nye akustiske versjonar av kjente og kjære låtar, frå det gode 70-tallet og fram til megahits frå i dag. Dei lovar at det vil rykke til i dansefoten, og at dei kjem til å by på ordentleg feelgood-stemning!

Skodespelar Karl Vidar Lende med vener byr på ein kveld med kjente og meir ukjente songar av Jan Eggum.

Med:
Karl Vidar Lende, Anne Krigsvoll, Preben Hodneland, Frank Kjosås, Henriette Marø, Knut Erik
Engemoen, Ingrid Jørgensen, Niklas Gundersen, Nina Sørensen, Julie Moe Sandø.

Det er tid for SLAM! Kom og rop våren inn på Bikuben med nokre av dei beste slampoetane i Noreg, og høyr dei spytte tekstar om livet, politikken, det ytre, det indre og ikkje minst kjærleiken.
Sest vi der?
Lista over poetar blir oppdatert undervegs.
Kvelden blir leia av Oda Aunan.

I over ti år har monologkurs vore del av programmet til Norsk Skuespillersenter. Her blir det forska i kva einetale kan vere når det gjeld type tekst, sjanger og uttrykk.
Denne gongen har skodespelar Anne Kokkin og regissør Linn Meyer Kongshavn saman med 10 skodespelarar leita etter svaret på Kven er du – som skodespelar? Kva skjer med teksten når han møter deg og dine kvalitetar?
Monologbonanza er ei arbeidsvisning der modige skodespelarar viser fram kva dei har jobba fram under monologkurset.

Ein desemberdag i 2013 blei det kjøpt ein kontrabass på Finn.no. 5 år, 6 instrument og 7 medlemmar seinere har åttemannsorkesteret over 400.000 avspelingar på YouTube.
Den akustiske besetninga er henta frå bluegrass med gitar, banjo, fele, mandolin, kontrabass, dobro og det noko meir ukonvensjonelle bluegrassinstrumentet trekkspel.

Med inspirasjon frå Broadway Backwards og Miscast, tar eit knippe skodespelarar frå ”The Book of Mormon” saka i eigne hender og lagar eit heilt nytt show. I "(Wo)man Up" syng dei kjente, og ikkje fullt så kjente songar for roller dei ALDRI ville blitt casta til - roller originalt skrivne for kvinner. Ein kveld full av song, latter og forvirring.