Kvar fredag kl. 22.30 i Bikuben

Bikubekveld kan vere konsert, gjestespel, open mikrofon, eller musikalsk nachspiel med ensemblet frå ein av framsyningane våre og mykje anna. Baren er open! Cc: 100,- . Det er 128 sitteplassar og 172 ståplassar. Vi opnar opp til Bikuben ca. kl. 22.00


————————————————————————————————

Kjære publikum.

Det Norske Teatret ser seg nøydd til å avlyse alle framsyningar og arrangement som er planlagde i to veker framover (til og med onsdag 25. mars).

Dette gjeld også Bikubekveld

Framsyningar

  • Skap di eiga forteljing!

    Fredag 13. mars
    Dramaturg og regissør Harry Guttormsen har saman med ti skodespelarar utforska korleis dei kan skape sin eigen tekst, både kollektivt og aleine, både skriftleg og på golvet. Fri for sjanger og format. Alle skodespelarane har sjølve skrive sine eigne tekstar, og denne kvelden deler desse modige skodespelarane sine råtekstar med publikum – kva hender da?

    Skodespelarar: Charlotte Langseth Luth, Venill Eirin Kravik, Benita Charlena Lambrechts, Mads Buer, Johannes Brun, Veronika Smit, Eva Dons, Sunniva Lind Høverstad, Helene Kvinlaug, Amalie Hyan Ju Eggen

  • Sondheim 90 år

    Fredag 20. mars
    Musikkteaterets mest betydingsfulle komponist og tekstforfattar er 90 år 22. mars. Vi feirar han to dagar på forskot i Bikuben med nokre av landets beste musikalartistar. Johan Osuldsen plukkar ut kjent og ukjent stoff frå Sondheims kanon, og saman med kveldens drøymelag blir dette ein festkveld med overraskingar i fleng.

  • Mandatory

    Fredag 27. mars

    I MANdatory tek åtte damer over Bikuben for ein kveld. Dette er nokre av musikal-Noregs kvinns som elskar å manne seg og elskar å bryte konvensjonane, samstundes som dei hyllar mannen og det fantastiske scenereportoaret som er han til del. Gutane frå The Book of Mormon blåste oss av banen med sitt Wo(man) up-konsept på Bikuben i 2018. No er det på tide at daMENe også slår eit slag for alle dei songane og rollene VI truleg aldri kjem til å få!
    Det blir ein kveld full av fabelaktige feMALEs - ikkje minst med eit eminent (jente)band!

    MED Anette Waaler, Charlotte Brænna, Liv-Ellen Kahrs, Trine Bariås, Julie Falkevik Tungevåg, Elisabeth Mørland Nesset, Mari Haugen Smistad og Ellen Brekken.

  • Absolute Music & Kjære dagbok

    Fredag 17. april
    Denne kvelden vekker vi 90-talet til live gjennom den legendariske musikken og høgtopplesing frå nokre stakkars offer sin dagbøker.

    Tre musikarar og fire songarar på scenen gir deg alt du elska og hata med 90-talet i ei herleg og gøyal innpakking, med dei høgaste tonane, kanskje ikkje heilt som du hugsa det.

    Med André Søfteland, Reidun Sæther, Sivert Hauge, Liv-Ellen Kahrs
    Musikarar Christian Stähler mfl.

  • Ein time med Stephen Schwarz

    Fredag 24. april
    Stephen Schwartz har komponert musikken til musikalar som Wicked, Godspell og Pippinog skrive songtekstar til filmar som Ringaren i Notre Dame, Pocahontasog Prinsen av Egypt. Denne kvelden står han i rampelyset når musikken hans blir framført av Sindre Postholm, Kirsti Lucena, Charlotte Brænna og Sigurd Marthinussen i Bikuben.

  • Hiphop hurra!

    Fredag 8. mai
    Felipe "Fela" Orellana inviterer til ein festkveld der vi feirar hiphop som kultur, politisk arena, kunstform og folkerørsle.

    Her vil du få innblikk i noko av hiphopens reise, utvikling og mange uttrykksformer. Vi samlar nokre av dei sterkaste og mest spennande stemmene og talenta innan sjangeren og stemmer i eit felles «hiphop hurra»!