Bikubekveld kan vere konsert, gjestespel, kunsthappening, dans eller musikalsk nachspiel med ensemblet frå ei av framsyningane våre - og mykje anna.

Framsyningar

Ei hylling til Alan Menken

Tid: 21. januar

Disney- og musikalkomponisten Alan Menken har komponert musikk til mange av dei største Disney-filmane, som for eksempel Skjønnheten og udyret, Den lille havfruen og Ringeren i Notre Dame, men han har også komponert kjente musikalar som Little Shop Of Horrors og Sister Act. Vi skal velje nokre av favorittane våre frå den fantastiske musikken han har skapt, og du kan vente deg diverse medleyar, fellesnummer, duettar og soloar blanda med personlege historier og artige fakta.

MED
Kirsti Lucena, Trine Bariås, Ola Magnus Gjermshus og Kristoffer Grua. MUSIKARAR Sverre Tollefsen Laupstad

Kjøp billett

Hiphop & poesi med Fela

Tid: 28. januar

Fela tek over scenen igjen og inviterer nye stemmer og venner til å vise seg fram.
Det blir ei blanding av artistar på scenen med live art, medan hans faste DJ Soulbase lagar god stemning gjennom kvelden. Gjestar er mellom andre rappar Rita N, RnB-artisten Felix Jatta og kunstnar Jo Are.

Kjøp billett

Queer Expressions

Tid: 4. februar

I 2022 er det 50 år sidan homofili blei avkriminalisert i Noreg, og vi feirar Skeivt kulturår i år. I dette høvet inviterer vi til Queer Expressions på Bikubekveld. Kvelden vil bli fylt av innslag av ulike kunstuttrykk frå skeive artistar. Oppdag og nyt eit lite utdrag av det skeive og mangfaldige Oslo har å by på!

KURATORAR Sergio Prin-Sand & Cassandra Moldenhauer MED Carlisle - song, Vikram, dikt. Koyote - song, Janelool - visuelt, Oslo Male Waackers: Ronald Belaza, Kayd Wacays, Lars Bull - Waacking og Oslo Ballroom: Daniel Elahi, John Harald Sand, Hamda Barise, Karim Palmelune, Sergio Prin-Sand - Old way vogue, new way vogue, vogue femme, sex siren, European runway, American runway.

Kjøp billett

Putting it together Sondheim i våre hjarte

Tid: 11. februar

Sanne Kvitnes og Heidi Gjermundsen Broch er ekte Sondheim-fans og Sondheim-nerdar. Denne kvelden dykkar dei ned i skattekista hans og plukkar fram favorittane etter den imponerande komponisten, som gjekk bort i november i fjor, etter eit langt og produktivt liv.

MUSIKARAR Ellen Marie Carlsen og Ellen Brekken

Kjøp billett

Espen elskar Judy

Tid: 18. februar

Skodespelar og musikalartist Espen Bråten Kristoffersen vender tilbake til Bikuben med si musikalske hylling av Judy Garland som ville blitt 100 år i 2022. Garland er ikkje berre eit av verdshistorias mest legendariske ikon, men også det ultimate homoikonet! Konsertframsyninga Espen elskar Judy er ei varm hylling til jenta med dei raude rubinskoa, der skjemt og alvor går hand i hand.

BANDLEIAR Christian Stahler

Kjøp billett

Common Space

Tid: 4. mars

Dette er ein kveld der artistar og kunstnarar blir inviterte inn til Det Norske Teateret for å dele sine kunstnarlege ferdigheiter med publikum. Du vil få oppleve eit mangfaldig spekter av konsertinnslag, dans, open mikrofon og god musikk som vil få dansefoten i gang.

KURATORAR SEAA. Company v/ Sasha Amalie Schanke, Eshidoreen Paradiso, Aaliyah Jacobssen og Amie Mbye

Kjøp billett

Queer SLAM Hadde eg kunna velje, hadde eg valt å vere skeivare.

Tid: 11. mars

Kveldens poetar leverer ei oppleving som kan likne ein skriftestol utan veggane, ei lingvistisk akrobatisk øving som høyrer til på sirkuset, ei rytmisk og messande transe, ein heva knyttneve, ein demonstrasjon av det emosjonelle vengespennet i alle menneske, ein filosofisk refleksjon, eit spedbarnskrik frå kreativitetens vogge, ei einsam handling og ei hylling til fellesskapet.

SLAM!poet og konferansier Martine Johansen ønskjer velkommen til alle skeive og streite som lengtar etter meir queer spoken word i livet sitt.
MED April McKay, Mabell Holand og Tania Vikki

Kjøp billett

Soulful and intimate med Carlisle

Tid: 18. mars

Vokalisten og låtskrivaren Carlisle har røter frå soul og RnB, som han voks opp med i heimlandet Filippinene. Med ei fløyelsmjuk røyst og sterk formidlingsevne blandar han melankolske melodiar og sjelfull vokal. Kvelden blir ei blanding av eigne nye låtar og soulklassikarar, som vil få deg til å senke skuldrene og lytte med hjartet.

Kjøp billett

Wo(man) up! 6.0

Tid: 22. april

Med inspirasjon frå Broadway Backwards og Miscast, tar eit knippe skodespelarar saka i eigne hender og lagar eit heilt nytt show. I (Wo)man Up syng dei kjende, og ikkje fullt så kjende songar for roller dei ALDRI ville fått - roller originalt skrivne for kvinner. Etter fleire utselde konsertar er gjengen tilbake med ei god blanding av nye nummer og favorittar frå tidlegare konsertar.
Ein kveld full av song, latter og forvirring.

MED Daniel Mauricio, Carl Martin Prebensen, Sindre Fløistad, Sigurd Vespestad Marthinussen og Sindre Bjørke Høyang. Band: Mathias Luppichini, Mads Frøystadvåg Skovdahl

Kjøp billett

Dragshow i teateret

Tid: 29. april

Frida Marida, Briar the VaudeVillain, Tanja McKenzie og Cassie Brødskive er fire dragartistar med ulik estetikk og forskjellige bakgrunnar innanfor teater og scene. I dette showet vil dei trekke liner frå sine respektive kunstnarskap, til kvarandre og til teaterets mangfaldige tradisjon.

Kjøp billett

MIMMI: Semper Eadem møter Titanic

Tid: 6. mai

I denne konserten får publikum høyre utdrag frå del 1 og 2 av trilogien til skodespelar og artist Mimmi Tamba.
MIMMI er ein art pop artist som har blitt sterkt lagt merke til dei siste åra.
I 2020 gav ho ut albumet Semper Eadem som fekk ein 6ar i Dagsavisen: «dette albumet slår helt på egen hånd knockout på lytteren». For publikummet til Det Norske Teatret er Mimmi Tamba mellom anna kjend som Nabulungi i The Book of Mormon og Girl i Lazarus. I 2023 vil Semper Eadem bli sett opp som musikkteater på Hovudscenen på Det Norske Teatret, men denne kvelden kan ein altså få ein smakebit.

Kjøp billett