Bikubebarn

I vår blir det beatboxing, afrikanske rytmar, teaterverkstad, kreativ collagekunst og raffe rørsler når vi igjen inviterer til Bikubebarn på Det Norske Teatret.

Bikubebarn er eit tilbod til barn på laurdagar. Her får barna sjølv vere kreative og skapande i møte med teatermagien. På Det Norske Teatret skjer det utruleg mykje spanande både på og bak scenen. Vi har verkstad som skapar dei mest fantastiske kostyme, masker og scenografi. Frå scenen gir skodespelarar, dansarar og musikarar publikum opplevingar kvar kveld. Vi ønskjer å opne opp huset og la barn og unge ta del i denne magien. På programmet for Bikubebarn i vår er det både gjengangarar og nye konsept.

URBAN ART ATTACK for kids
Laurdag 1. september

Velkommen til Urban Art Attack for kids – der vi inviterer danseglade barn inn til Hovudscenen på Det Norske Teatret for eit gigantisk danseparty!

På menyen blir det:
DJ – Dans til energisk og kul musikk frå den eineståande DJ Beatur
Dansekurs – Lær raffe rørsle til energisk musikk med sjølvaste B-boy Dark Marc, ein av Skandinavias dyktigaste breakarar.
Jam – leik og dans fritt på golvet, samstundes som du blir kjent med andre dansevenner
Battle – barnas eigen dansekonkurranse, med fokus på danseglede og kreativitet

Dommarar: Huyen Huynh, Marcus Andreassen (Dark Marc), Marvin Alvarez (MarwlessOne). DJ: Beatur. Host: Maria Karlsen.

EVENTYRET OM PEER GYNT
Laurdag 6. oktober

I lag med nokre av Noregs beste utøvarar innan slampoesi, DJing og urbant teater, improviserer barna fram si heilt eigne skreddersydde teaterframsyning med utgangspunkt i den spennande historia om Peer Gynt.

Her får barna jobbe leikent og kreativt med tekst og rørsle og komponere eigen musikk til framsyninga si.

MED
Taro Vestøl Cooper
Dj: Gabriel Patås B Varskog. Rørsle/slam: Oda Aunan.

 

MINITEATERVERKSTAD
Laurdag 3. november

Velkommen til barnas eigen teaterverkstad!

Med inspirasjon frå familieframsyninga Nila og den store reisa, inviterer vi teaterglade barn til ein kreativ og leiken dag.

Barna får være med på å lage sitt eige kostyme, lære meir om teatersminke, bygge scenografi og lære ein koreografi/dans som til slutt blir framført på scenen så foreldrer og søsken kan komme for å sjå.
Rett og slett ein drømmedag i teateret!

MED
Charlotte Korrell og Helene Winter

 

JUL I TEATERET
Laurdag 1. desember

Det finst så mange vakre julesongar, og enda vakrare juleforteljingar!
Kva er vel betre enn å få lage sitt heilt eige juleeventyr?

Her blir det nydeleg song, spennande teaterleik og dans. Og sjølvsagt blir det også høve til å klippe og lime i vår eigen juleverkstad!

MED
Joachim Ousdal og Elise Rougnø