Heidi Gjermundsen Broch

Ho har vore knytt til Det Norske Teatret sidan ho var ferdig utdanna. Her har ho hatt berande roller i ei rekkje musikalar, m.a. som tittelrolla i Ronja Røvardotter, Josefine i Bør Børson, Edith Piaf i Piaf, tittelrolla i An-Magritt, Maria Vittoria i Which Witch, Polly og Fru Peachum i Tolvskillingsoperaen, Diana i Next to Normal, Evita Peron i Evita, Mari/Anne i Tenk om, Elly i Lazarus, Heksa i Into the Woods og Semper Eadem. Ho har i tillegg spelt Eliza Doolittle i My Fair Lady ved Oslo Nye Teater og Donna i Mamma Mia! på Folketeatret. Ved Det Norske teatret også m.a. spelt Jenta i Vakkert, Dronning Isabel i Ricard II, Lena i Som lauvet i Vallombrosa, Brille i L.I.F.E.G.O.E.S.O.N, Serianna i Slåttekar i himmelen og Åshild i Kristin Lavransdotter. Ho har elles hatt fleire roller i Radioteatret, og gitt ut albuma Tidevann og Blåyd jævel. Heidi Gjermundsen Broch er tilsett som 1. amanuesis ved Høyskolen i Kristiania. Ho mottok Heddaprisen for beste kvinnelege hovudrolle og Kritikarprisen for rolla som Diana i Next to Normal.