Bikubebarn

  • Scene : Det Norske Teatret (Unummerert)
  • Pris frå: 100 ,-

Laurdagstilbod for barn!

I vår blir det raffe rørsle på Hovudscenen, fugleframsyning og rytmeverkstad med Den Mangfaldige Scenen, og miniteaterverkstad på Scene 2! Billettar får du kjøpt på nettsida, eller ved å kontakte billettluka.

Urban Art Attack for kids

Laurdag 9. september
kl. 11.30-15.00

 

Urban art attack for kids

Frå Urban Art Attack for kids hausten 2016

KJENNER DU NOKON SOM ER GLADE I Å DANSE?

Vi har invitert danse-Noregs beste folk for å lage ein magisk dag med breake-verkstad, musikk, heftige rytmar, lysshow, battling og rein danseglede! Her kan ein slå seg laus med raffe rørsle på ei av Noregs største scener. DJ for dagen er Beatur.

Breakekurs med Marcus Andreassen: kl. 11.30-12.15
Battles, show og jam: kl. 12.30-15.00
For dei mellom 6-12 år

PRIS: 100 kr per barn

Vaksne tilskodarar kjem inn gratis saman med barn (maks to vaksne per barn). NB: Avgrensa med plassar. Billett kan du kjøpe her på nettsida, eller ved å kontakte billettluka.

Dommarpanel og DJ for dagen: Frå venstre Marcus Andreassen, Camilla Tellefsen, Magnus Emaka Einang og DJ Beatur.

Dommarpanel og DJ for dagen: Frå venstre Marcus Andreassen, Camilla Tellefsen, Magnus Emaka Einang og DJ Beatur.

Marcus Andreassen/DJ Dark Marc er fleire gongar kåra til noregsmeister i breaking, og deltek på konkurransar både som utøvar og dommar. Han har vore dommar i Mitt Dansecrew på TV2. Elles har han jobba ved Riksteatret,  Oslo Nye Teater og  Det Norske Teatret. Han har også undervist i dans på Kunsthøgskolen i Oslo og Noregs Idrettshøgskole.

Magnus Emaka Einang er ein allsidig Hip Hop-dansar som er medlem av Kingwings. For tida turnerer han med Romeo og Julie saman med Nasjonalballetten UNG kor han mellom anna har spelt rolla som Romeo. Magnus underviser også, og ønskjer at alle skal få gleda av dans.

Camilla Tellefsen driv Subsdans dansestudio i Oslo, Soul Sessions Oslo og crewet dEEp doWN dopEiZM. Ho er aktiv i battlescenen i Noreg og Norden både som arrangør, deltakar og dommar og har turnert og vunne fleire konkurransar både i inn og utland.

DJ for dagen er BEATUR. Han er ein av Skandinavias mest anerkjende beatboxarar, og har vore DJ i over 10 år. Han produserer musikk til ulike event og framsyningar. Musikken han speler er ein miks av Funk, Soul, House og Hip Hop som vil få alle til å rocke i dansefoten!