podcast-illustrasjonsbilde

Teaterpodden

Høyr podcast frå Det Norske Teatret!

På denne sida finn du ein oversikt over podcastane til Det Norske Teatret. Podcastane skal gi deg ein betre kjennskap til alle dei kreative sjelene på huset og skape eit bakteppe til framsyninga du skal sjå!

TI PÅ TO

To personar, eit rom, ti spørsmål. Det kan vere eit scenepar, søskenpar, eller dei to mest ulike personane på teateret. Dei har to esker framføre seg. I den eine eska er det spørsmål som går på personlegdom og arbeid, den andre er ei eske med overraskingar. Annakvar gong trekk dei ein lapp frå ein av boksane og stiller kvarandre spørsmålet som står på lappen. Målet er at dei skal kjenne kvarandre litt betre når podcasten er ferdig.

INSTITUSJONEN – ikkje noko fjøs 

I denne podcasten tek vi ein uformell prat om ei aktuell framsyning. Samtalen dreier seg gjerne rundt karakterar, regi, scenografi og prosessane som leiar opp til ei ferdig framsyning. Her blir du betre kjend med institusjonen og kva som surrer i huset og hovuda!

INNSIKT

Innsikt er eit opptak av ein introduksjon som er halde før ei framsyning i Bikuben. Her får du djupdykk i eit tema. Før ein skal sjå Edda kan du få ei innføring i dei norrøne gudane, eller kanskje du har sett Etterlyst:Jesus og vil setje deg inn i bedehuskulturen i Norge av ein som kan det meste. Då er dette podcasten for deg!

HØYR VIA ITUNES

Dersom du nyttar Itunes kan du finne oss ved å klikke her: Abonner på Det Norske Teatret i Itunes

HØYR VIA SOUNDCLOUD

For å høyre podcasten vår via soundcloud, eller enkelt her i denne nettlesaren, kan du klikke nedanfor.